سەناتوردى انا مەن بالا ءولىمىنىڭ جوعارى دەڭگەيى الاڭداتىپ وتىر

ايەلدەردى مەديسينالىق قىزمەت تۇرلەرىمەن قامتۋ دەڭگەيىن كۇشەيتۋ كەرەك.

بۇل تۋرالى سەنات دەپۋتاتى اقمارال ءالنازاروۆا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

ونىڭ ايتۋىنشا، انا مەن بالا ءولىمىنىڭ جوعارى دەڭگەيى دە الاڭداتىپ وتىر. مەديسينالىق ساقتاندىرۋ جۇيەسى ەنگىزىلگەن ساتتەن باستاپ، ساقتاندىرۋ جۇيەسىنە ەنبەگەن رەپرودۋكتيۆتى جاستاعى ايەلدەر جۇكتىلىككە جوسپارلى تۇردە دايىندىق پەن مەديسينالىق ەمدەۋ قىزمەتتەرىمەن ءتيىستى دەڭگەيدە قامتىلماي وتىر

«جۇكتىلىكتىڭ ونىنشى اپتاسىنان كەيىن عانا ايەلدەر مەملەكەتتىڭ جەڭىلدىك الاتىن ساناتىنداعى ازاماتتارىنىڭ قاتارىنا قوسىلىپ، ساقتاندىرىلعان مارتەبەگە يە بولادى. الايدا، وسى ارالىقتا بولاشاق انانى باقىلاۋعا الۋ مەن ەمدەۋى ءۇشىن ماڭىزدى ۋاقىت جوعالادى. ەلىمىزدەگى انا ءولىمى بويىنشا اۋىر جاعدايدى ەسكەرسەك، مىندەتتى الەۋمەتتىك مەديسينالىق ساقتاندىرۋ جۇيەسىندە رەپرودۋكتيۆتى جاستاعى ايەلدەرگە كورسەتىلەتىن مەديسينالىق قىزمەت كولەمدەرىن قايتا قاراۋ قاجەت»، - دەدى ا. ءالنازاروۆا سەناتتاعى ۇكىمەت ساعاتىندا دەنساۋلىق ساقتاۋ ماسەلەسىن تالقىلاۋ كەزىندە.

ونىڭ پايىمىنشا، وسى ساناتتاعى ايەلدەرگە ارنالعان امبۋلاتوريالىق دارى-دارمەكپەن قامتاماسىز ەتۋ ءتىزىمىن قايتا قاراۋ قاجەت.

قازاقستاندا ءاربىر التىنشى جۇكتىلىك تۇسىك جاساتۋمەن اياقتالادى