اۋا رايى تۇراقسىز بولىپ، قار جاۋادى.
«قازگيدرومەت» سينوپتيكتەرى 3-5 جەلتوقسان كۇندەرى اۋا ايى قانداي بولاتىنىن بولجادى، دەپ حابارلايدى Almaty-akshamy.kz.
«قازاقستاننىڭ باسىم بولىگىندە اتموسفەرالىق فرونتتاردىڭ وتۋىمەن اۋا رايى تۇراقسىز بولىپ، قار جاۋادى. تەك ەلدىڭ باتىسىندا اۋا رايى نەگىزىنەن جاۋىن-شاشىنسىز بولادى. رەسپۋبليكانىڭ سولتۇستىك-باتىسىندا، سولتۇستىگىندە، شىعىسىندا جانە ورتالىعىندا بۇرقاسىن بولىپ، جەل كۇشەيەدى، وڭتۇستىك جانە وڭتۇستىك-شىعىسىندا تۇمان بولادى»، - دەلىنگەن سينوپتيكتەردىڭ حابارلاماسىندا.
تۇندە باتىستا اۋا تەمپەراتۋراسى 10-22 اياز، وڭتۇستىك-باتىستا 3-15 اياز، سولتۇستىك-باتىس جانە سولتۇستىكتە 20-30 اياز، ورتالىقتا 13-22-دەن 20-30 ايازعا دەيىن تومەندەيدى، ەلىمىزدىڭ شىعىسىندا 25-34 اياز، رەسپۋبليكانىڭ وڭتۇستىگىندە، وڭتۇستىك-شىعىسىندا 5-15، تاۋلى اۋدانداردا 15-20 اياز بولادى.