الماتىدا كەشەدەن بەرى «وڭىرلىك مەرزىمدى باسىلىمداردىڭ فورۋمى وتۋدە.
وعان قازاقستان رەسپۋبليكاسى مادەنيەت جانە اقپارات مينيسترلىگى اقپارات كوميتەتىنىڭ ءتوراعاسى مەيىرلان راحانوۆ، ق ر پارلامەنتى سەناتىنىڭ دەپۋتاتى نۇرتورە ءجۇسىپ، ق ر پارلامەنتى ءماجىلىسىنىڭ دەپۋتاتتارى قازىبەك يسا مەن ەرمۇرات باپي، ق ر پرەزيدەنتى باسپا ءسوز حاتشىسىنىڭ ورىنباسارى ەرجان بايتىلەس، الماتى قالاسى قوعامدىق دامۋ باسقارماسىنىڭ باسشىسى ايدار ەسەنبەكوۆ قاتىسىپ، ءسوز سويلەدى، دەپحابارلايدى Almaty-akshamy.kz.
اقپارات سالاسى ماماندارىنىڭ باسىن قوسقان جيىنعا قاتىسقان پارلامەنت سەناتىنىڭ دەپۋتاتى، ءوزى دە تالاي جىل جۋرناليستيكا سالاسىندا ەڭبەك ەتكەن، بەلگىلى جۋرناليست نۇرتورە ءجۇسىپ «Alatau اqparat» مەدياحولدىنگىنە ات باسىن بۇرىپ، وسى ۇجىمداعى جۋرناليستەردىڭ جۇمىس بارىسىمەن تانىستى. الماتىداعى باستى باسىلىمداردىڭ ءبىرى «الماتى اقشامى» مەن «ۆەچەرنيي الماتى» گازەتتەرىن شىعارىپ، «اlmaty-akshamy.kz» جانە «Vecher.kz» cايتتارىنىڭ باسىن بىرىكتىرىپ وتىرعان مەدياحولدينگ قالانىڭ، جالپى ەلدىڭ تىنىس-تىرشىلىگىنەن ۇزدىكسىز حابار تاراتىپ كەلە جاتقان بىردەن-بىر مەكەمە.
ايتا كەتەتىنى، بۇگىندە بۇل ۇجىم ءوزىنىڭ قالىپتاسۋ جولىن، تاريحىن ەستەن شىعارعان ەمەس. سونىڭ دالەلى - مەديحولدينگتەگى مۇراجاي.
مۇراجايدا قازىرگى زاماندا مۇلدە قولدانىستان شىققان، ءبىراق وسى باسىلىمداردىڭ قالىپتاسۋ تاريحىندا جۋرناليستەر قولدانعان ءبىرتالاي دۇنيە بار.
ولار: جازۋ ماشينكاسى، فاكس، ماتەريال جازاردا بۇرىن ءارقاشان تىلشىلەردىڭ جانىنان تابىلاتىن سوزدىكتەر، قولجازبا كىتاپتار، انىقتامالىقتار.
وتكەن كۇندەرگە دەگەن ۇجىمنىڭ وسىنداي قۇرمەتىن كوزبەن كورگەن سەناتور نۇرتورە ءجۇسىپ جۋرناليستيكا سالاسىندا وسىنداي مۇراجايلاردىڭ بولۋى قۇپتارلىق ءىس ەكەنىن ايتتى. ايتۋىنشا، بۇگىندە وسى سىندى قۇندى دۇنيەلەر ءبىراز ادامنىڭ ۇيلەرىندە شاڭ باسىپ جاتىر.
«ءقازىر قانشاما ۇيدە كەزىندەگى «جۇلدىز» جۋرنالىنىڭ قانشاما داناسى، سول سياقتى باسقا دا قۇندى گازەت-جۋرنالدار بار. ەشكىم وقىماي، جاي شاڭ باسىپ جاتقانشا سولاردى وسىلاي كورسەتىپ، شىعارىپ قويعان جاقسى. سول ءۇشىن بۇل وتە جاقسى باستاما ەكەن»، - دەدى سەناتور.