«الماتى – ءبىزدىڭ ورتاق ءۇيىمىز» ناۋقانى اياسىندا Family ساياباعىندا قۇس ۇياسىنىڭ كورمە-جارمەڭكەسى ءوتتى. بۇل اكسيا ەكولوگيالىق بەلسەندىلىكتى ناسيحاتتاۋ جانە وسكەلەڭ ۇرپاققا تابيعاتتى ايالاۋ مەن قورعاۋدى ۇيرەتۋ ماقساتىندا ءوتتى، دەپ حابارلايدى almaty-akshamy.kz
ناۋقانعا اۋەزوۆ اۋدانىنىڭ DamuBala شىعارماشىلىق ۇيىرمەلەرىنە قاتىساتىن 200-دەن استام بالا قاتىستى. بالالار ساياباقتا قۇس ۇيالارىن ورناتتى، ارتىنشا ق ر مادەنيەت قايراتكەرى توقتار سەرىكوۆ قاتىسقان كونسەرتتىك باعدارلاما ۇيىمداستىرىلدى.
ايتا كەتەتىن نارسە، «الماتى - ءبىزدىڭ ورتاق ءۇيىمىز» ناۋقانى باستالعالى بەرى قالانىڭ بارلىق مەكتەبىندە «قۇستارعا ۇيا سىيلايىق» دەگەن چەللەندج ءوتتى. «تەحنولوگيا» ساباعىندا وقۋشىلار مىڭنان استام قۇستىڭ ۇياسىن جاسادى. ولار مەكتەپتەردىڭ اۋلاسىنا، ساياباقتار مەن سكۆەرلەردە ورناتىلدى.
ەستەرىڭىزگە سالا كەتەيىك، 8 ساۋىردە «الماتى – ءبىزدىڭ ورتاق ءۇيىمىز» ناۋقانى باستالدى. ءاربىر تۇرعىن قالانى دامىتۋ مەن كوركەيتۋگە ۇلەس قوسا الادى.
تولىق اقپارات almaty.kz سايتى مەن الماتى اكىمدىگىنىڭ الەۋمەتتىك جەلىلەرىندەگى پاراقشالارىندا جاريالانادى. سونداي-اق، قالاداعى باننەر، پلاكات جانە افيشالارداعى ارنايى QR-كود ارقىلى ۆەب-سايتقا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.
