استانا تۇرعىندارى نەكە قۇرۋ جاعىنان الدىدا كەلە جاتىر. نەگىزىنەن ەڭ جاس نەكە تۇرۋشىلاردىڭ كوبى اتالعان وڭىردە تىركەلەدى ەكەن، دەپ حابارلايدى اlmaty-akshamy.kz.
2023 جىلدىڭ قورىتىندىسى بويىنشا ەلوردادا 1000 تۇرعىنعا شاققاندا 7،46 ادام ۇيلەنگەن. وسىلايشا استانا نەكە قۇرۋ جاعىنان وزگە وڭىرلەرگە قاراعاندا ءتىزىمنىڭ الدىنا شىقتى. كەرىسىنشە ەلىمىزدىڭ وڭتۇستىگى – تۇركىستان وبلىسى ءتىزىم سوڭىندا قالعان. بۇل وبلىستا نەكە كوەففيسيەنتى - 5،55 بولىپ تىركەلگەن.
سول سەكىلدى تاعى بىرنەشە قىزىقتى فاكتىلەر.
- 10 جاعدايدىڭ 8ء-ى قازاقستاندىقتار العاش رەت ۇيلەنەدى. كۇيەۋ جىگىتتىڭ ورتاشا جاسى-27، ال قالىڭدىق-25 جاس.
- ەگەر ناقتى جاس ەرەكشەلىگىنە قاتىستى ايتاتىن بولساق، وندا 2023 جىلى نەكەگە تۇرعان جىگىتتەردىڭ كوپشىلىگى 20-دان 39 جاسقا دەيىن (85%) بولسا، قىزدار جاعى 18-دەن 34 جاسقا دەيىن (82%) شاڭىراق كوتەرگەن.
اتاپ ايتار تاعى ءبىر قىزىقتى جايت، جاڭادان شاڭىراق كوتەرگەن وتباسىنىڭ ءاربىر بەسىنشىسى ۇلتارالىق بولىپ تابىلادى.
ەر جىگىتكە تۇرمىسقا شىققان قالىڭدىقتىڭ 41 پايىزى جوعارى ءبىلىمدى ەكەن. ال جىگىتتەر جاعى قىزدارعا قاراعاندا بۇل جاعىنان 39 پايىزعا تومەن كورىنەدى.
- وتباسىن قۇرۋ جاعىنان ماۋسىم مەن تامىز ايلارىندا وتە بەلسەندىلىك بايقالسا، قاڭتار مەن اقپان ايلارىندا كەرىسىنشە ءۇي بولۋعا نيەتتىلەر وتە از تىركەلەدى ەكەن.