2024 جىلعى 26 جەلتوقساندا ق ر پارلامەنتى سەناتىنىڭ دەپۋتاتى نۇريا نيازوۆا ءوزىنىڭ دەپۋتاتتىق ساۋالىندا الماتىداعى "مەدەۋ" مۇز ايدىنىنا حالىقارالىق كونكيشىلەر وداعىنىڭ (ISU) ەرەكشە مارتەبەسىن بەرۋ باستاماسىن ۇسىندى، دەپ حابارلايدى aqshamnews.kz
سەناتوردىڭ پىكىرىنشە، "مەدەۋ" مۇز ايدىنى ءوزىنىڭ تاريحي ماڭىزدىلىعىن ساقتاپ كەلەدى جانە قىسقى سپورت تۇرلەرىنىڭ حالىقارالىق ارەناسىندا قازاقستاننىڭ پوزيسياسىن نىعايتا وتىرىپ، الەمدىك سپورت كارتاسىنا قايتا ورالۋعا قابىلەتتى.
دەپۋتاتتىڭ پىكىرىنشە، "مەدەۋ" تەك رەكوردتار ارەناسى عانا ەمەس، دوپتى حوككەي (بەندي) سپورتىن دامىتۋعا ارنالعان ماڭىزدى ورتالىققا اينالۋى ءتيىس. سونىمەن قاتار، مۇزدى شوۋلار، مۇز ۇستىندەگى جارىستار مەن الەم چەمپيوناتتارىنىڭ كەزەڭدەرىن ۇيىمداستىرۋ ارقىلى حالىقارالىق قاۋىمداستىقتىڭ نازارىن اۋدارىپ، ەلدىڭ تۋريستىك تارتىمدىلىعىن ارتتىرۋ قاجەت.
"مەدەۋدى" حالىقارالىق سپورت ارەناسىنا قايتارۋ – جاڭا رەكوردتارعا جول اشىپ، قازاقستاننىڭ قىسقى سپورتتاعى ءيميدجىن نىعايتۋدىڭ ماڭىزدى قادامى"، — دەپ قورىتىندىلادى نۇريا نيازوۆا.