جىل باسىنان بەرى الماتى وبلىسىندا ينتەرنەت-الاياقتىق فاكتىلەرى ءجيى تىركەلۋدە.
قالىپتاسقان جاعدايعا بايلانىستى قۇقىق قورعاۋ ورگاندارى وسىنداي قىلمىستاردىڭ الدىن الۋ جانە اشۋ بويىنشا بەلسەندى جۇمىس جۇرگىزۋدە، دەپ حابارلايدى aqshamnews.kz Polisia.kz-كە سىلتەمە جاساپ.
– بيىل وڭىردە ينتەرنەت جانە تەلەفون الاياقتىقتارىنىڭ الدىن الۋ جانە اشۋ ماقساتىندا جەتى جەدەل-پروفيلاكتيكالىق ءىس-شارا وتكىزىلدى. حالىقتى الاياقتاردان قورعاۋ ادىستەرى تۋرالى اقپاراتتاندىرۋ ماقساتىندا 73 اكسيا ۇيىمداستىرىلىپ، 46 مىڭعا جۋىق بۋكلەت تاراتىلدى. سونداي-اق ادامدار كوپ جينالاتىن ورىنداردا 19 بيلبورد، ستەند جانە LED ەكران ورناتىلدى. جەرگىلىكتى بۇقارالىق اقپارات قۇرالدارىندا الاياقتىقتىڭ الدىن الۋ بويىنشا 38 ماقالا جاريالاندى، – دەپ مالىمدەدى ۆەدومستۆو وكىلدەرى.
سونىمەن قاتار 2023–2025 جىلدارعا ارنالعان كيبەرقىلمىسقا قارسى ءىس-قيمىل باعدارلاماسى اياسىندا «كيبەرباقىلاۋ» پلاتفورماسىندا الاياقتار پايدالانعان 226 سايت بۇعاتتالدى.