قازاقستاندا جەڭىلدەتىلگەن ايەلدەر يپوتەكاسى قايتا ىسكە قوسىلادى

"ۇماي" يپوتەكا باعدارلاماسى 2025 جىلدىڭ ەكىنشى جارتىسىندا قايتا ىسكە قوسىلماق. بۇل تۋرالى "وتباسى بانك" پەن ازيا دامۋ بانكى اراسىندا ءتيىستى كەلىسىمگە قول قويىلدى، دەپ حابارلايدى aqshamnews.kz

«ءبىز بۇل كرەديت بويىنشا ستاۆكانىڭ بارىنشا تومەن بولۋىنا تىرىسامىز. سوندىقتان قارجىلاندىرۋدىڭ ىڭعايلى ءساتىن جانە ءتيىمدى پايىزدىق مولشەرلەمەنى تاڭدايمىز»، — دەپ مالىمدەدى «وتباسى بانك» باسقارما ءتورايىمى لياززات يبراگيموۆا.

"ۇماي" يپوتەكاسىنىڭ ەرەكشەلىكتەرى:
باعدارلاما 2021-2023 جىلدار ارالىعىندا جۇمىس ىستەگەن. بۇرىنعى شارتتار بويىنشا:

• پايىزدىق مولشەرلەمە — 14،4%.
• باستاپقى جارنا — 15-20%.
• نەسيە سوماسى — 30 ملن تەڭگەگە دەيىن.
• قارىز مەرزىمى — 25 جىلعا دەيىن.

جاڭا يپوتەكا ەرەكشەلىكتەرى:

• بۇرىن تەك استانا، الماتى، اقتاۋ جانە اتىراۋ قالالارىندا جۇمىس ىستەسە، ەندى بارلىق قالالاردا قولجەتىمدى بولادى.
• باعدارلاماعا كەز كەلگەن وتباسىلىق جاعدايداعى، كەز كەلگەن سالادا جۇمىس ىستەيتىن ايەلدەر قاتىسا الادى.
• قاتىسۋشىلار كەز كەلگەن جىلجىمايتىن مۇلىكتى (جاڭا نەمەسە ەكىنشى نارىقتاعى) ساتىپ الا الادى.

باعدارلاما قايتا ىسكە قوسىلعان كەزدە پايىزدىق مولشەرلەمە مەن شارتتار ناقتى بەلگىلەنەدى.