سەناتور امانگەلدى تولاميسوۆ ۇكىمەت باسشىسى ءاليحان سمايىلوۆتىڭ اتىنا جولداعان دەپۋتاتتىق ساۋالىندا جەتىم جانە اتا-اناسىنىڭ قامقورلىعىنسىز قالعان بالالاردىڭ تۇرعىن ءۇي الۋ ماسەلەلەرى تۋرالى ايتتى.
پارلامەنت دەپۋتاتى ەلىمىزدە مۇنداي بالالاردىڭ مەملەكەتتىك تۇرعىن ءۇي قورىنان ءبىرىنشى كەزەكتە باسپانا الۋعا قۇقىعى بار ەكەنىن ەسكە سالدى. قازىرگى كەزدە بۇل ساناتتا تۇرعىن ءۇي الۋ كەزەگىندە 60 845 ازامات تۇر. بىلتىر 1 211 ادام باسپانا الدى، ال بيىلدىڭ ءبىرىنشى جارتىجىلدىعىندا تەك 287 ادام عانا تۇرعىن ۇيمەن قامتاماسىز ەتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جەتىم بالالار مەن اتا-اناسىنىڭ قامقورلىعىنسىز قالعان بالالاردى تاربيەلەنىپ جاتقان مەكەمەلەردىڭ ورنالاسقان مەكەنجايى بويىنشا ەمەس، تۋعان جەرلەرىنە قاتىستى تۇراقتى تۇرعىلىقتى تىركەۋگە قويىپ، سول وڭىرلەردە باسپانا كەزەگىنە ەنگىزۋ كەرەك. بۇل ءوز كەزەگىندە ولاردىڭ جىلدامىراق باسپانا الۋىنا مۇمكىندىك بەرەدى. مەملەكەتتىك ورگاندار «وتباسى بانكى» اق-مەن بىرلەسىپ، بالالار ءۇيىنىڭ تاربيەلەنۋشىلەرى مەن جەتىم بالالار ساناتىندا كەزەكتە تۇرعان جاستارعا جەڭىلدەتىلگەن تۇرعىن ءۇي يپوتەكالىق باعدارلامالارىن جانە ساتىپ الۋ مۇمكىندىگىنسىز مەملەكەتتىك جالعا بەرىلەتىن پاتەرلەرگە قاتىستى باعدارلامالارىن قاراستىرۋى ءتيىس»، - دەدى امانگەلدى تولاميسوۆ سەناتتىڭ جالپى وتىرىسىندا.