ەلىمىزدە دۇنيەجۇزىلىك بانكپەن بىرلەسكەن بىرنەشە جاڭا جوبا جۇزەگە اسپاق.
بۇل جايىندا ۇكىمەت باسشىسى ءاليحان سمايىلوۆ دۇنيەجۇزىلىك بانكتىڭ ەۋروپا جانە ورتا ازيا جونىندەگى ۆيسە-پرەزيدەنتى اننا بەردەمەن كەزدەسۋىندە ايتتى، دەپ حابارلايدى Almaty-akshamy.kz.
تاراپتار بانكتىڭ قازاقستانداعى قازىرگى جوبالارى مەن الداعى جوسپارلارىن، مەملەكەت باسشىسى جولداۋىندا بەلگىلەگەن ۇكىمەتتىڭ رەفورمالاردى جۇرگىزۋ جونىندەگى شارالارىن تالقىلادى. پرەمەر-مينيستر بانكتىڭ قولداۋىمەن ەلىمىزدە تابىستى جۇمىس ىستەپ جاتقان ەكونوميكالىق-الەۋمەتتىك جوبالاردى اتاپ ءوتتى. ال اننا بەردە قازاقستان مەن دۇنيەجۇزىلىك بانك ۇزاق ۋاقىتتان بەرى ءوزارا ىنتىماقتى جالعاستىرىپ كەلە جاتقانىنا توقتالدى. بۇعان دەيىن قۇنى 8 ملرد دوللاردان اساتىن 47 جوبا ءساتتى جۇزەگە ىسكە اسقان.