قازاقستان قۇراماسىندا 5 سپورت تۇرىنەن 53 سپورتشى بار.
تۇركيانىڭ يزنيك قالاسىندا IV دۇنيەجۇزىلىك كوشپەندىلەر ويىندارى باستالدى. اتالعان شاراعا 23 سپورت ءتۇرى بويىنشا الەمنىڭ جۇزگە جۋىق كوشپەندى حالىقتارىنىڭ سپورتشىلارى ب ا ق سىنايدى، دەپ حابارلايدى Almaty-akshamy.kz Elorda.info-عا سىلتەمە جاساپ.
«قازاقستان قۇراماسىندا 5 سپورت تۇرىنەن 53 سپورتشى بار. بۇگىن كوكپار، كوكبورى، ءداستۇرلى ساداق اتۋ، جامبى اتۋ سپورتشىلارى جارىس جولىن باستايدى. جارىس قاتىسۋشى ەلدەر اراسىنداعى مادەني بايلانىستاردى نىعايتۋ ارقىلى الەمنىڭ كوشپەلى حالىقتارىنىڭ مادەنيەتىن ساقتاۋ جانە جاڭعىرتۋ، كوشپەلى الەم حالىقتارىنىڭ ۇلتتىق سپورت تۇرلەرىن حالىقارالىق دەڭگەيگە شىعارۋ جانە ساقتاۋ ماقساتىن جۇزەگە اسىرادى»،– دەيدى ۇلتتىق جانە ات سپورتى تۇرلەرى ورتالىعىنىڭ باسپا ءسوز حاتشىسى جادىرا ءجۇسىپ.
دۇنيەجۇزىلىك كوشپەندىلەر ويىندارى بارىسىندا 10-عا جۋىق سپورت تۇرىنەن تەك كورسەتىلىم ويىندارى عانا بولادى. ونىڭ ىشىندە ءبىزدىڭ ەلدىڭ سپورتشىلار تەڭگە ءىلۋ مەن اۋدارىسپاقتان كورەرمەن كوزايىمى ءۇشىن قويىلىم جاسايدى.
كوكپار مەن كوكبورىنىڭ فينالدىق باسەكەلەرى 2 قازانعا بەلگىلەنگەن. كوكپاردان ق ر ۇلتتىق قۇراما ساپىندا الەم چەمپيوندارى كوماندا كاپيتانى ۇلان بايتورەيەۆ، ابىلايحان نىشانبەكوۆ، «عاسىر ويىنشىسى» اتانعان قۇرمانبەك تۇرعانبەك قاتارلى ازاماتتار بار.