قازىرگى قازاقستاندا جۇرگىزىلىپ جاتقان رەفورمالار كۇردەلى ساياسي قايتا قۇرۋدى تالاپ ەتەدى
مەملەكەت باسشىسى قاسىم-جومارت توقايەۆ قازاقستان حالقى اسسامبلەياسىنىڭ ءحححى سەسسياسىندا سويلەگەن سوزىندە ەلدەگى دەموكراتيالىق پرينسيپتەردى دامىتۋدىڭ ودان ارعى جولدارىنىڭ ماڭىزدىلىعىن اتاپ ءوتتى. بۇل تۋرالى ق ر پارلامەنتى سەناتىنىڭ دەپۋتاتى ولگا بۋلاۆكينا ايتتى، دەپ حابارلايدى Almaty-akshamy.kz Vecher.kz-كە سىلتەمە جاساپ.
ونىڭ ايتۋىنشا، ەلدە بولىپ جاتقان رەفورمالار كۇردەلى ساياسي قايتا قۇرۋدى تالاپ ەتەدى.
«قوعام مەن مەملەكەت اراسىنداعى قارىم-قاتىناستى ايقىندايتىن ەلىمىزدىڭ كونستيتۋسياسى – تاۋەلسىزدىكتىڭ كەپىلى، ءاربىر ازاماتتىڭ قۇقىقتارى مەن بوستاندىقتارىنىڭ كەپىلى، بىرلىكتىڭ، تۇراقتىلىق پەن بەرەكەنىڭ، ەلدىڭ سەنىمدى دامۋىنىڭ كەپىلى. مەملەكەتتىك ينستيتۋتتاردى قالىپتاستىرۋ مەن ءوزارا ءىس-قيمىل جاساۋدىڭ جاڭا مودەلى، پارلامەنت پەن ءماسليحاتتاردىڭ ءرولىن كۇشەيتۋدى جانە ازاماتتاردىڭ ەلدەگى ساياسي ومىرگە بەلسەنە قاتىسۋىن كوزدەيدى»،- دەدى سەناتور.