كونستيتۋسيالىق رەفورما العاش رەت حالىقتىڭ تىكەلەي داۋىس بەرۋى ارقىلى جۇزەگە اسىرىلادى
قازاقستان كورەيلەرى قاۋىمداستىعى ءتوراعاسىنىڭ ورىنباسارى گەورگيي كان پرەزيدەنت قاسىم-جومارت توقايەۆتىڭ كونستيتۋسياعا وزگەرىستەر مەن تولىقتىرۋلار ەنگىزۋ بويىنشا رەسپۋبليكالىق رەفەرەندۋم وتكىزۋ تۋرالى ۇسىنىسىن قولدادى، دەپ حابارلايدى Almaty-akshamy.kz Vecher.kz-كە سىلتەمە جاساپ.
«قازاقستان حالقى اسسامبلەياسىنىڭ بۇل جولعى سەسسياسى وتە ناتيجەلى جانە ۇمىتكە تولى بولدى. ەكى كۇن ىشىندە ءبىز ماڭىزدى ماسەلەلەردى تالقىلاپ، پروبلەمالاردى كوتەرىپ، شەشۋ جولدارىن ۇسىنىپ ۇلگەردىك. بۇل سەسسيا الدىنداعى تالقىلاۋلاردىڭ ءبىرىنشى كۇنى بولدى. مەنى جانە ارىپتەستەرىمدى قازاقستان حالقى اسسامبلەياسى جاستار قاناتىنىڭ بەلسەندىلىگى قاتتى قۋانتتى. ارينە، بارلىعى قازاقستان پرەزيدەنتى قاسىم-جومارت توقايەۆتىڭ ءسوزىن ەرەكشە ىقىلاسپەن كۇتتى. ونىڭ ءسوزى مەنىڭ كوپتەگەن ارىپتەستەرىمدى شابىتتاندىردى، سەسسيادان كەيىن ولارمەن ءوز اسەرىمىزبەن الماستىق»،-دەدى گەورگيي كان.