قازاقستان رەسپۋبليكاسى پارلامەنتى سەناتىنىڭ اگرارلىق ماسەلەلەر، تابيعاتتى پايدالانۋ جانە اۋىلدىق اۋدانداردى دامىتۋ كوميتەتىنىڭ ءتوراعاسى ءالي بەكتايەۆ شىمكەنت قالاسىنداعى وتەبايەۆ اتىنداعى جوعارى تەحنولوگيالار كوللەدجىنىڭ وقىتۋشىلارىمەن جانە ستۋدەنتتەرىمەن كەزدەسىپ، رەفەرەندۋم ماڭىزىن تالقىلادى، دەپ حابارلايدى Almaty-akshamy.kz Egemen.kz-كە سىلتەمە جاساپ.
سەنات دەپۋتاتى كونستيتۋسياعا ەنگىزىلەتىن جانە ءقازىر ەلىمىز حالقىنىڭ كەڭىنەن تالقىلاپ جاتقان نەگىزگى وزگەرىستەر تۋرالى ايتتى.
«بۇل رەفورمالار پرەزيدەنت قاسىم-جومارت توقايەۆتىڭ ساياسي باستامالارىنىڭ جالعاسى، ەل دامۋى ءۇشىن ماڭىزدى قادام بولىپ تابىلادى. ەگەر رەفەرەندۋمدا سايلاۋشىلار وسى وزگەرىستەردى قولداسا، وندا بىزدە پرەزيدەنت ايتىپ وتىرعان ادىلەتتى قازاقستاندى قۇرۋعا مۇمكىندىك پايدا بولادى»، دەدى سەناتور.
كەزدەسۋدە سونداي-اق سەناتتا وتكەن جاستار ساياساتى جونىندەگى پارلامەنتتىك تىڭداۋدا كوتەرىلگەن نەگىزگى ماسەلەلەر تالقىلاندى. كەزدەسۋگە قاتىسۋشىلار ورتا-ارنايى ءبىلىم بەرۋ وبەكتىلەرىنىڭ ماتەريالدىق-تەحنيكالىق بازاسىن نىعايتۋ، كوللەدج تۇلەكتەرىن جۇمىسقا ورنالاستىرۋ جانە بىلىكتىلىگىن ارتتىرۋ ماسەلەلەرى بويىنشا پىكىر الماستى.