اقتاۋ قالاسىندا «كونستيتۋسيالىق رەفورما: ساياسي ترانسفورماسيانىڭ قازاقستاندىق جولى» اتتى «Sarap» ەكسپەرتتىك كلۋبىنىڭ كەزەكتى وتىرىسى ءوتتى، دەپ حابارلايدى گە سىلتەمە جاساپ،
ءىس-شاراعا قوعام بەلسەندىلەرى، ماسليحات دەپۋتاتتارى، ۋنيۆەرسيتەت ۇستازدارى، جەرگىلىكتى جاستار قاتىستى
جيىنعا اقتاۋ قالاسى اكىمىنىڭ ورىنباسارى ءابىلقايىر بايپاقوۆ، وبلىستىق جانە قالالىق ءماسليحات دەپۋتاتتارى، مەملەكەت جانە قوعام قايراتكەرلەرى، ساياساتتانۋشىلار، سونداي-اق قازاقستاننىڭ قوعامدىق دامۋ ينستيتۋتىنىڭ ساراپشىلارى قاتىستى.
وتىرىس قاتىسۋشىلارى الداعى رەفەرەندۋمنىڭ ەلدى دامىتۋ مەن قوعامدى دەموكراتيالاندىرۋداعى ماڭىزىن، سونداي-اق جاڭا قازاقستاندى قۇرۋداعى كونستيتۋسيالىق رەفورمانىڭ ءرولىن تالقىلادى. ساراپشىلار مەملەكەتتىڭ باستى قۇجاتىنا ەنگىزىلمەك وزگەرىستەر مەن تولىقتىرۋلاردىڭ ق ر ساياسي جۇيەسىنە قالاي اسەر ەتەتىنى تۋرالى پىكىر الماستى.
شارانى رەفەرەندۋمدى قوعامدىق قولداۋ رەسپۋبليكالىق شتابىنىڭ قولداۋىمەن قازاقستاندىق قوعامدىق دامۋ ينستيتۋتى ۇيىمداستىردى.
ايتا كەتەيىك، كونستيتۋسيانىڭ 33 بابىنا 56 وزگەرىس ەنگىزىلەدى. زاڭ شىعارۋدا پارلامەنتتىڭ ءرولى كۇشەيىپ، جەرگىلىكتى باسقارۋدا ماسليحاتتاردىڭ ىقپالى ارتادى. بۇل قازاقستاننىڭ كەلەشەك دامۋ بارىسىن ايقىندايتىن ماڭىزدى رەفەرەندۋمعا حالقىمىز بەلسەندى تۇردە قاتىسىپ، ءوز تاڭداۋىن جاسايدى دەپ سەنەمىز.