امبۋلاتوريالىق قامتاماسىز ەتۋ اياسىندا شامامەن 2،5 ملن قازاقستاندىق تەگىن دارى-دارمەك الادى، دەپ حابارلايدى Almaty-akshamy.kz Inform.kz-كە سىلتەمە جاساپ.
«2022 جىلعى قاڭتاردان باستاپ ازاماتتاردىڭ ۇسىنىستارىن ەسكەرە وتىرىپ، ۆەدومستۆو دارىلىك زاتتاردى، مەديسينالىق بۇيىمداردى ساتىپ الۋدى ۇيىمداستىرۋعا جانە وتكىزۋگە، تەگىن امبۋلاتوريالىق ەمدەۋ ءۇشىن دارىلىك زاتتاردىڭ تىزبەسىن كەڭەيتۋگە، ونىڭ ىشىندە ورفاندىق اۋرۋلارى بار پاسيەنتتەردى دارىمەن قامتاماسىز ەتۋگە قاتىستى ءبىرقاتار نورماتيۆتىك-قۇقىقتىق اكتىلەرگە وزگەرىستەر ەنگىزۋ جونىندەگى ءىس-شارالارعا باستاماشىلىق جاسادى. ورفاندىق اۋرۋلار مەن ولاردى ەمدەۋگە ارنالعان دارىلىك زاتتار تىزبەسىنە اۋرۋلاردىڭ 10-نان استام جاڭا ءتۇرى جانە 22 دارىلىك پرەپارات ەنگىزىلگەن»، - دەپ جازدى مينيسترلىك.