سەناتور ايەلدەردىڭ زەينەت جاسىن ازايتۋدى ۇسىندى

ونىڭ ايتۋىنشا، ايەلدەرگە بەلگىلەنگەن زەينەت جاسى جاستار اراسىنداعى جۇمىسسىزدىق دەڭگەيىنە دە اسەر ەتەدى.

دانا نۇرجىگىت ايەلدەردىڭ زەينەتكە شىعۋ جاسىن 58 جاسقا دەيىن تومەندەتۋدى ۇسىندى، دەپ حابارلايدى Almaty-akshamy.kz

ول پرەمەر-مينيستر ءاليحان سمايىلوۆتىڭ اتىنا جولداعان دەپۋتاتتىق ساۋالىندا 2015 جىلى ايەلدەردىڭ زەينەتكەرلىك جاسىن ۇلعايتۋ تۋرالى شەشىم قازاقستاندا 71 جاستى قۇرايتىن ورتاشا ءومىر ءسۇرۋ ۇزاقتىعىن ەسكەرە وتىرىپ قابىلدانعانىن ەسكە سالدى. 2021 جىلى بۇل كورسەتكىش 70 جاسقا دەيىن تومەندەدى. سونىمەن قاتار، 2020 جىلى پاندەمياعا بايلانىستى ەلىمىزدە ءولىم-جىتىم 22%-عا ءوستى.

دانا نۇرجىگىتتىڭ پايىمداۋىنشا، بۇۇ بولجامدارىنا سۇيەنىپ جاسالعان 2015 جىلعى زەينەتاقى رەفورماسى اياسىندا 2022 جىلى قازاقستاندا ءومىر ءسۇرۋ ۇزاقتىعى ايەلدەر ءۇشىن 78 جاستى جانە ەرلەر ءۇشىن 70 جاستى قۇرايدى دەگەن كورسەتكىش ناقتى جاعدايعا ساي كەلمەيدى. ونىڭ ايتۋىنشا، ايەلدەرگە بەلگىلەنگەن زەينەت جاسى جاستار اراسىنداعى جۇمىسسىزدىق دەڭگەيىنە دە اسەر ەتەدى.

«بۇگىنگى زەينەتاقى زاڭىنا سايكەس، ازاماتتار جۇمىس ورىندارىن بوساتپاي، 60-63 جاسقا دەيىن وتىرا بەرەتىن بولسا، ارتىنان كەلە جاتقان جاڭا بۋىنعا جۇمىس جوق دەگەن ءسوز. سوڭعى كەزدەرى ۇكىمەتتىڭ زەينەتاقى سالاسىنا نازار اۋدارىپ، اۋىر ماماندىق يەلەرىنىڭ زەينەتكە شىعۋ جاسىن قايتا قاراۋدى قولعا الىپ جاتقانىن بىلەمىز. وسىعان بايلانىستى، ازاماتتاردىڭ سەناتورلارعا جولداعان كوپتەگەن وتىنىشتەرىن ەسكەرە وتىرىپ، ايەلدەردىڭ 58 جاستا زەينەتكە شىعۋ جاسىن بەلگىلەۋدى، ال ەڭبەگىن ودان ءارى جالعاستىرۋ ماسەلەسىن ءوز ەركىنە قالدىرۋدى ۇسىنامىز»، - دەدى دانا نۇرجىگىت.