جولدىڭ ءبىر بولىگى «ءىسىپ» جانە كوتەرىلىپ، جارىقتار پايدا بولعان.
قازاقستاندىقتار الەۋمەتتىك جەلىدە ەلىمىزدىڭ دۇنيەجۇزىلىك بانكتەن العان نەسيەسىنە سالىنعان «قىزىلوردا-شىمكەنت» اقىلى جولىنىڭ ۆيدەوسىن تاراتىپ جاتىر، دەپ حابارلايدى Almaty-akshamy.kz Inbusiness.kz سىلتەمە جاساپ.
جولدىڭ ءبىر بولىگى «ءىسىپ» جانە كوتەرىلىپ، جارىقتار پايدا بولعان. مۇنىڭ ءبارى قوزعالىسقا كەدەرگى كەلتىرىپ، ءتىپتى جۇرگىزۋشىلەردىڭ قاۋىپسىزدىگىنە ءقاۋىپ توندىرگەن.
«قازاۆتوجول» مالىمەتىنشە، 8 ماۋسىمدا ساعات 17.00 شاماسىندا تۇركىستان وبلىسىنداعى تورتكول اۋىلى ماڭىنداعى قىزىلوردا-شىمكەنت اقىلى جول ۋچاسكەسىندە اۋا تەمپەراتۋراسىنىڭ جوعارىلاۋىنا (+40-45 س) بايلانىستى جولدىڭ سەمەنتتى بەتون تاقتاسى كوتەرىلىپ كەتكەن.
«جولدىڭ كوتەرىلىپ كەتكەن بولىگى الىنىپ تاستالدى. مەردىگەر «شىمكەنتجولقۇرىلىس» ج ش س قيىرشىقتاس-قۇم توسەپ، اسفالت جابىندىسىن جاۋىپ، جولدى ۋاقىتشا قالپىنا كەلتىرۋ جۇمىستارىن جۇرگىزدى. جول جوندەۋ جۇمىستارىنا 10 ادام مەن 5 تەحنيكا (3 ساموسۆال، 1 تيەگىش، 1 گيدراۆليكالىق بالعا) جۇمىلدىرىلدى»، - دەلىنگەن حابارلامادا.
جولدىڭ اتالعان بولىگىنە جىلدامدىقتى شەكتەۋ، جول بولىگىنىڭ تارىلۋى سياقتى ەسكەرتۋ بەلگىلەرى ورناتىلدى. جول ۋچاسكەسىنە تۇركىستان وبلىسى پد پاترۋلدىك كولىكتەرى قويىلدى.