ەرتەڭ مينيسترلىك «كونستيتۋسيالىق سوت تۋرالى» كونستيتۋسيالىق زاڭنىڭ تۇجىرىمداماسىن ۆەدومستۆوارالىق كوميسسيانىڭ تالقىلاۋىنا شىعارادى.
ەگەر كوميسسيا ماقۇلداسا، ءتيىستى زاڭ جوباسىنىڭ پاكەتى دايىندالادى، دەپ حابارلايدى Almaty-akshamy.kz.
«كونسەپتۋالدىق نورمالار اشىق نورماتيۆتىك-قۇقىقتىق اكتىلەر پورتالىنا شىعارىلىپ، تالقىلانادى. سوسىن باس پروكۋرور مەن ادام قۇقىقتارى جونىندەگى ۋاكىلدىڭ جۇگىنۋ پروسەستەرىن جازامىز. وسىنىڭ ءبارىن ەسكەرىپ، زاڭ جوباسىن وسى جىلى تامىز ايىنىڭ سوڭىنا دەيىن ماجىلىسكە ەنگىزۋ جوسپارلانىپ وتىر»، - دەدى ادىلەت ۆيسە-مينيسترى الما مۇقانوۆا.
ودان كەيىنگى جۇمىس دەپۋتاتتىق كورپۋستىڭ زاڭ جوباسىن قاي ۋاقىتتا قاراپ قابىلدايتىنىنا بايلانىستى.
«سوندىقتان كونستيتۋسيالىق سوت وسى جىلدىڭ سوڭى نەمەسە كەلەسى جىلدىڭ ءبىرىنشى جارتىجىلدىعىندا قۇرىلادى دەگەن جوسپار بار»، - دەدى ۆيسە-مينيستر.