سەنات سپيكەرى ماۋلەن اشىمبايەۆتىڭ توراعالىعىمەن قازاقستان حالقى اسسامبلەياسى قۇرىلىمدارىنىڭ باسشىلارىمەن كەزدەسۋ ءوتتى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
ءىس-شارا بارىسىندا سەناتورلار مەن قحا وكىلدەرى الداعى بىرلەسكەن جۇمىستىڭ باسىم باعىتتارىن تالقىلادى.
وتىرىستى اشقان پالاتا ءتوراعاسى ەلىمىزدە مەملەكەت باسشىسىنىڭ باستاماسىمەن جۇرگىزىلىپ جاتقان ساياسي رەفورمالاردىڭ ماڭىزىنا توقتالدى. سونداي-اق ول قازاقستان حالقى اسسامبلەياسى كۆوتۆاسىنىڭ سەناتقا بەرىلۋى سونىڭ ءبىر ناتيجەسى ەكەنىن تىلگە تيەك ەتتى.
مەملەكەت باسشىسى قاسىم-جومارت كەمەل ۇلى توقايەۆ جالپىۇلتتىق بىرلىك جانە ەتنيكاارالىق كەلىسىم يدەياسىن دارىپتەۋگە ۇنەمى باسا ءمان بەرىپ كەلەدى. بۇل باعىتتا قازاقستان حالقى اسسامبلەياسى ەرەكشە ءرول اتقارادى. اسسامبلەيا كۆوتاسىنىڭ ماجىلىستەن سەناتقا بەرىلۋى پرەزيدەنتىمىزدىڭ باستاماسىمەن ەلىمىزدە جۇرگىزىلىپ جاتقان ساياسي رەفورمالاردىڭ ماڭىزدى بولىگى. قازىرگى تاڭدا اسسامبلەيا كۆوتاسىمەن تاعايىندالعان سەناتورلار زاڭ شىعارۋ جۇمىسىنا بەلسەندى كىرىسىپ، پالاتا وتىرىستارىندا ماڭىزدى ماسەلەلەردى كوتەرىپ جۇرگەنىن اتاپ وتكەن ءجون، – دەدى ماۋلەن اشىمبايەۆ.
سەنات ءتوراعاسىنىڭ ايتۋىنشا، پالاتانىڭ جاڭا ءرولىن ەسكەرە وتىرىپ، قازاقستان حالقى اسسامبلەياسىمەن ءوزارا جۇمىستىڭ ءتيىمدى تەتىكتەرىن ايقىنداپ الۋ اسا ماڭىزدى. سونداي-اق ءتۇرلى تاجىريبەلىك ءىس-شارالاردى اسسامبلەيانىڭ الدىندا تۇرعان مىندەتتەردى نازارعا الا وتىرىپ ۇيىمداستىرۋ ماسەلەسى دە وزەكتى ەكەنى ايتىلدى.
جيىن بارىسىندا اسسامبلەيا كۆوتاسىمەن تاعايىندالعان سەناتورلار، قحا ءتوراعاسىنىڭ ورىنباسارى مارات ءازىلحانوۆ جانە تاعى باسقالارى ءسوز سويلەدى. قاتىسۋشىلار ەتنوسارالىق قارىم-قاتىناس سالاسىنداعى جانجالدى جاعدايلاردىڭ الدىن الۋ ماسەلەلەرى بويىنشا پىكىر الماسىپ، وسى باعىتتاعى جۇمىستى ودان ءارى جاقسارتۋ جونىندە ۇسىنىستارىن ايتتى.