بۇل تۋرالى دەنساۋلىق ساقتاۋ ءمينيسترى اجار عينيات بۇگىن وتكەن ۇكىمەت وتىرىسىندا مالىمدەدى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
ءقاۋىپ فاكتورلارىنىڭ پروفيلاكتيكاسى جانە باسقارۋ باعىتى بويىنشا ونكولوگيالىق سكرينينگتىك باعدارلامالاردى كەڭەيتۋ جۇرگىزىلەدى. ءولىم-جىتىمنىڭ نەگىزگى سەبەبى بولىپ تابىلاتىن وكپە وبىرىن انىقتاۋ ءۇشىن تومەن دوزالى كومپيۋتەرلىك توموگرافيانى ەنگىزۋ جوسپارلاندى. ايەلدەردىڭ اراسىندا كەڭ تارالعان جاتىر موينى وبىرىنىڭ پروفيلاكتيكاسى ءۇشىن 2024 جىلدان باستاپ ادام پاپيللوماسى ۆيرۋسىنا قارسى ۆاكسيناسيالاۋ كەزەڭ-كەزەڭىمەن ەنگىزىلەتىن بولادى. ۆاكسيناسيالاۋدى ەنگىزگەنگە دەيىن حالىقتىڭ نىسانالى توپتارىنىڭ اراسىندا ءتۇسىندىرۋ جۇمىستارى بەلسەندى جۇرگىزىلەتىن بولادى، - دەپ اتاپ ءوتتى ۆەدومستۆو باسشىسى.
سونىمەن قاتار مينيستر ونكولوگيانى ازايتۋ ءۇشىن حالىقپەن جۇمىس جانە ونكولوگيالىق ساقتىق بويىنشا مەديسينا قىزمەتكەرلەرىن وقىتۋ، حالىقتىڭ سالاماتتى ءومىر سالتىن ۇستانۋىن ارتتىرۋ بويىنشا ءىس-شارالار كەشەنىن جۇرگىزۋ جالعاسادى دەپ وتىر.
مەديسينالىق-سانيتاريالىق العاشقى كومەك ۇيىمدارى مەن ونكولوگيا ورتالىقتارىن جابدىقتاۋ ءۇشىن ماموگرافتار، كت، مرت، ۋدز اپپاراتتارى، انگيوگرافتار، بەينەەندوسكوپيالىق جابدىقتار سەكىلدى دياگنوستيكالىق جابدىقتاردى جاڭارتۋ كوزدەلگەن. مولەكۋلالىق-گەنەتيكالىق تەستتەر مەن يممۋنوگيستوحيميالىق زەرتتەۋلەردى ارتتىرۋ ارقىلى وبىردىڭ ءارتۇرلى تۇرلەرىن دياگنوستيكالاۋ مۇمكىندىكتەرى ۇلعايتىلاتىن بولادى، - دەدى اجار عينيات.
بۇعان دەيىن اجار عينيات بەس باعىتتى قامتيتىن كەشەندى جوسپاردىڭ جوباسىن ۇسىنعان بولاتىن. ونى ىسكە اسىرۋ ءۇشىن مەديسينالىق جابدىقتاردى، دارىلىك پرەپاراتتتاردى ساتىپ الۋعا، مامانداردى وقىتۋعا، زاماناۋي ونكولوگيا ورتالىقتارىن سالۋعا، رەكونسترۋكسيالاۋعا جانە كۇردەلى جوندەۋ جۇرگىزۋگە شامامەن 474 ملرد تەڭگە قاجەت بولادى.