كولىكتى جالعا الىپ، سودان كەيىن ونى ساتىپ جىبەرگەن الاياقتىق دەرەگىنە سايكەس قىلمىستىق ءىس بويىنشا التى ادام ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«41 جاستاعى و. ەسىمدى ازامات كولىكتى جالعا بەرۋمەن اينالىساتىن ءجشس-نىڭ بىرىمەن Toyota Camry جالعا الۋ شارتىنا وتىرعان كەزدە قىلمىستىق تىزبەك بۇرمالانا باستادى. ناتيجەسىندە كولىكتى قايتا ساتۋ تىزبەگىندەگى التىنشى ادام بولىپ تابىلاتىن ساتىپ الۋشىدان كولىك تاركىلەندى. تەرگەۋ، جاۋاپ الۋ جانە بەتپە-بەت بەتتەستiرۋ بارىسىندا مىناداي ءمان-جايلار انىقتالدى: جالداۋ شارتىن جاساسقان و. ەسىمدى ازامات، بەلگىلەنگەن جەردەن كولىكتى الىپ كەتىپ، ونى ۇرلاپ كەتكەندىگى جايىندا حابار بەرۋى كەرەك بولعان ادامدى جالدايدى. سوڭعىسى كوزگە تۇسپەس ءۇشىن ءۇشىنشى ادامنىڭ قىزمەتىنە جۇگىنگەن. جوسپار بويىنشا ول كەڭسەگە بارىپ، كولىكتىڭ كىلتىن الۋى كەرەك بولعان. وسى ۋاقىتتا تىزبەكتەگى ەكىنشى ادام Toyota كولىگىن كەلىسىلگەن جەرگە ايداپ الىپ كەلۋى ءۇشىن تاعى ەكى بەيتانىس ادامدى جالداعان. سوڭعى ادام – ساتىپ الۋشى، ي. ەسىمدى ازامات، ودان ۇرلانعان كولىكتىڭ مەملەكەتتىك نومىرلەرى تاركىلەندى. بۇل كۇدىكتىنىڭ ايتۋىنشا، ول Toyota كولىگىنىڭ ۇرلانعانىن بىلمەگەن، ال “ساتۋشى” وعان كولىكتى قارىزىن وتەۋ رەتىندە العانىن ايتقان»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
بۇل الاياقتىققا قاتىسى بار كۇدىكتىلەردىڭ بارلىعى ۇستالدى. قىلمىستىق ءىس تىركەلدى. كۇدىكتىلەر قاماۋدا وتىر. ق ر قپك-نىڭ 201 بابىنىڭ تالاپتارىنا، سونداي-اق ق ر كونستيتۋسياسىنىڭ نورمالارىنا سايكەس، قىلمىستىق ءىس بويىنشا وزگە دە مالىمەتتەر جاريا ەتۋگە جاتپايتىنىن حابارلايدى.