سەنات دەپۋتاتى ب ا ق قىزمەتكەرلەرىنىڭ جالاقىسىن كوتەرۋگە ۇندەدى

بۇگىن سەناتتىڭ جالپى وتىرىسىندا حالىقتىڭ تابىسىن ارتتىرۋ باعدارلاماسى تالقىلاندى.

ءبىراق بۇقارالىق اقپارات قۇرالدارى قىزمەتكەرلەرىنىڭ جالاقىسىنا قاتىستى جوسپار جوق. سەناتور نۇرتورە ءجۇسىپ وسى ماسەلەگە باسا نازار اۋدارۋدى سۇرادى، دەپ حابارلايدى Almaty-akshamy.kz

سەبەبى قازىرگى رەفورمالاردىڭ ءساتتى ىسكە اسۋى ونى حالىققا دۇرىس ءتۇسىندىرۋ جۇمىستارىنا تىكەلەي بايلانىستى.

سەنات دەپۋتاتى نۇرتورە ءجۇسىپ ۇكىمەتتى بۇقارالىق اقپارات قۇرالدارى قىزمەتكەرلەرىنىڭ جالاقىسىن كوتەرۋگە ۇندەدى.

«ساپالى حابار، پايدالى اقپارات بارىمىزگە كەرەك. ءبىراق ب ا ق سالاسىنداعى قىزمەتكەرلەردىڭ ەڭبەكاقىسى رەسپۋبليكا بويىنشا ورتاشا كورسەتكىشتەن دە تومەن، 202 مىڭ عانا. جۋرناليستەر نە بيۋدجەت سالاسىنىڭ قىزمەتكەرلەرىنە جاتپايدى، نە كوممەرسياعا جاتپايدى. ءبىراق قولىمەن دە، ميىمەن دە جۇمىس ىستەيتىن ادامداردى، بالكىم، ءوندىرىس قىزمەتكەرلەرى دەپ، وندىرىستىك تالاپتارعا ساي قارجىلاندىرۋ كەرەك شىعار دەگەن ۇسىنىسىم بار»، - دەدى ءجۇسىپ.

سەناتور بۇقارالىق اقپارات قۇرالدارىندا جۋرناليستەر عانا ەمەس، وپەراتور، بەينەينجەنەر، مونتاجەرلەر مەن جارىقپەن جۇمىس ىستەيتىن ماماندار دا جۇمىس ىستەپ جاتقانىن ەسكە سالدى. بارلىعى ءبىر جۇدىرىق بولىپ، بارلىق رەفورمانى حالىققا جەتكىزۋگە تىرىسىپ وتىرادى.

«بارلىعىنىڭ جالاقىسى وتە تومەن. سوندىقتان ءبىز رەفورمالار جاقسى ءجۇرسىن دەسەك، ءبىرىنشى كەزەكتە بۇقارالىق اقپارات سالاسى قىزمەتكەرلەرىنىڭ جالاقىسىن دۇرىستاۋىمىز كەرەك. اناۋ نارتايدىڭ ايلىعى مەن پوزنەردىڭ ايلىعىن سالىستىرساڭىز، جەر مەن كوكتەي»، - دەپ اتاپ ءوتتى ءجۇسىپ.