جانۋارلاردىڭ كۇتىمىن باقىلايتىن ينسپەكتورلار پايدا بولادى

ق ر ەكولوگيا، گەولوگيا جانە تابيعي رەسۋرستار ءمينيسترى 2022 جىلعى 20 مامىرداعى بۇيرىعىمەن جانۋارلارعا جاۋاپتى قاراۋ سالاسىندا قوعامدىق باقىلاۋ جۇرگىزۋ قاعيدالارىن بەكىتتى

ەرەجەگە سايكەس، جانۋارلارعا جاۋاپتى قاراۋ سالاسىنداعى قوعامدىق باقىلاۋدى قوعامدىق ينسپەكتورلار مەن كوممەرسيالىق ەمەس ۇيىمدار جۇزەگە اسىرادى، ولاردىڭ جارعىسىندا اتالعان قىزمەتتى جۇزەگە اسىرۋ قاعيدالارى قاراستىرىلعان، دەپ حابارلايدى Almaty-akshamy.kz 

قوعامدىق باقىلاۋ وتەۋسىز جانە ەرىكتى نەگىزدە جانۋارلاردى وڭالتۋ ورتالىقتارىندا، اۋلاۋ قىزمەتتەرىندە، جاناسپالى حايۋاناتتار باقتارىندا، جانۋارلارعا ارنالعان باسپانالاردا، زوولوگيالىق پيتومنيكتەر مەن قوناق ۇيلەردە، جانۋارلاردى ۋاقىتشا ۇستاۋ پۋنكتتەرىندە، جىلجىمالى مەناگەرلەردە، سيركتەردە، حايۋاناتتار پاركتەرىندە جۇرگىزىلەدى.

قوعامدىق باقىلاۋدى جۇزەگە اسىرۋ كەزىندە جانۋارلارعا جاۋاپتى قاراۋ سالاسىنداعى ينسپەكتورلار مەن كوممەرسيالىق ەمەس ۇيىمدارعا جانۋارلاردى ۋاقىتشا ۇستاۋ پۋنكتتەرىنىڭ، جانۋارلارعا ارنالعان پانالاردىڭ جانە جانۋارلارعا قاراۋ جونىندەگى قىزمەتتى جۇزەگە اسىراتىن باسقا دا ۇيىمداردىڭ اۋماعىنا، ءۇي-جايلارىنا كىرۋ قامتاماسىز ەتىلەدى.

بۇيرىق 2022 جىلعى 24 شىلدەدەن باستاپ قولدانىسقا ەنگىزىلەدى.