الماتى اكىمدىگى جاۋاپسىز مەردىگەر كومپانيامەن كەلىسىمشارتتى بۇزدى

سول سەبەپتى جوبانى ورىنداۋ كەلەسى جىلعا قالىپ وتىر.

الماتى اكىمدىگى قالاداعى سۋمەن جابدىقتاۋ جانە سۋ بۇرۋ قۇرىلىسىنا قاتىستى ءوز مىندەتتەمەلەرىن دۇرىس اتقارماعان كومپانيامەن كەلىسىمشارتتى بۇزدى. بۇل تۋرالى الماتى اكىمى ەربولات دوسايەۆ جەتىسۋ اۋدانى تۇرعىندارىمەن كەزدەسۋ بارىسىندا ايتتى، دەپ حابارلايدى Almaty-akshamy.kz.

اكىمنىڭ ايتۋىنشا، ءقازىر اۋداندا سۋمەن جابدىقتاۋ جانە سۋ بۇرۋ - وزەكتى ماسەلەلەردىڭ ءبىرى. اسىرەسە، «كەمەل» شاعىناۋدانىندا اسا ماڭىزدى.

«2021 جىلدىڭ قىركۇيەگىندە سۋمەن جابدىقتاۋ جانە سۋ بۇرۋ جەلىلەرىن سالۋ ءۇشىن مەردىگەر انىقتالدى. الايدا، ول ءوز مىندەتتەرىن دۇرىس ورىندامادى. سوندىقتان ءبىز شارتتى سوت ارقىلى بۇزۋعا ءماجبۇر بولدىق. سول سەبەپتى جوبانى ورىنداۋ كەلەسى جىلعا قالىپ وتىر»، - دەيدى قالا اكىمى.

سونىمەن قاتار، ول اتالعان شاعىناۋدانداعى ءاربىر جەكە ۇيگە تۇراقتى ەلەكتر ەنەرگياسى تارتىلىپ، قالالىق جەلىگە قوسىلاتىنىن مالىمدەدى.

 «2022 جىلى «كەمەل» شاعىناۋدانىنداعى ەلەكتر جەلىلەرىن رەكونسترۋكسيالاۋ جۇمىستارى باستالعانىن ايتا كەتكىم كەلەدى. وسى جۇمىستار اياقتالعاننان كەيىن «كەمەل» شاعىناۋدانىنداعى ءاربىر جەكە ۇيگە تۇراقتى ەلەكتر ەنەرگياسى تارتىلىپ، قالالىق جەلىگە قوسىلاتىن بولادى»، – دەدى ەربولات دوسايەۆ.