بالا "جەدەل جاردەم" كەلگەنگە دەيىن قايتىس بولدى
سەمەيدە 13 جاستاعى وقۋشى مەكتەپ اسحاناسىندا تاماقتانۋ كەزىندە قايتىس بولدى، دەپ حابارلايدى Almaty-akshamy.kz turkystan.kz سىلتەمە جاساپ.
اباي وبلىسى ءبىلىم باسقارماسىنىڭ مالىمەتىنشە، وقۋشى تۇسكى اس كەزىندە ەسىنەن تانىپ قالعان. وعان العاشقى مەديسينالىق كومەك دەرەۋ كورسەتىلگەن. الايدا بالا "جەدەل جاردەم" كەلگەنگە دەيىن قايتىس بولدى.
مەديسينالىق ساراپتامانىڭ قورىتىندىسى بويىنشا، بالا تاماقتىڭ ءىرى كەسەكتەرىنە شاشالىپ، تىنىس الۋ جولدارىنىڭ جابىلۋىنا بايلانىستى مەحانيكالىق اسفيكسيادان كوز جۇمعان.
«ينتەرناتقا ول سەمەي قالاسىنىڭ 2016 جىلعى 13 قاڭتارداعى «پسيحولوگيالىق-مەديسينالىق-پەداگوگيكالىق كونسۋلتاسياسىنىڭ قورىتىندىسى» نەگىزىندە قابىلداندى. وعان «اقىل-ويىنىڭ جەڭىل كەمىستىگى» دياگنوزى قويىلدى. دۇيسەنبىدەن جۇماعا دەيىن № 6 ارنايى مەكتەپ -ينتەرناتتا تۇرىپ، وقىدى. سەنبى جانە جەكسەنبى كۇندەرى اناسى ۇيىنە الىپ كەتەتىن»، – دەلىنگەن رەسمي حابارلامادا.
قازىرگى ۋاقىتتا قىلمىستىق ءىس قوزعالدى.