قازاقستاندا تاعى ەكى پارتيا پايدا بولۋى مۇمكىن، دەپ حابارلايدى Almaty-akshamy.kz.
«ادىلەت مينيسترلىگىنىڭ قاراۋىندا ەكى ساياسي پارتيا بار – «ەل تاعدىرى» جانە «قازاقستان حالىق كونگرەسى». ساياسي پارتيالاردى تىركەۋ ءتارتىبى «ساياسي پارتيالار تۋرالى» زاڭدا كوزدەلگەن.
«ساياسي پارتيالار تۋرالى» زاڭنىڭ 12-بابىنا سايكەس، مەملەكەتتىك ورگاندارعا ۇسىنىلعان تىزىمدەردىڭ دۇرىستىعىن تەكسەرۋ فۋنكسياسى جۇكتەلگەن»، - دەپ حابارلادى ادىلەت مينيسترلىگىنىڭ باسپا ءسوز قىزمەتى.
سونداي-اق، ۆەدومستۆودان قۇرىلتاي قۇجاتتارى مەن ساياسي پارتيا مۇشەلەرى تىزىمدەرىنىڭ «ساياسي پارتيالار تۋرالى» زاڭنىڭ 8-10 بابىنىڭ 6-تارماعى تالاپتارىنا سايكەستىگىنە تەكسەرۋ جۇرگىزىلىپ جاتقانى حابارلاندى.
ايتا كەتسەك، بۇگىندە ەلىمىزدە «AMANAT» پارتياسى، قازاقستان حالىق پارتياسى، Respublica پارتياسى، «بايتاق» جاسىلدار پارتياسى، «اق جول» دەموكراتيالىق پارتياسى، جالپىۇلتتىق سوسيال-دەموكراتيالىق پارتيا جانە «اۋىل» حالىقتىق-دەموكراتيالىق پارتياسى تىركەلگەن.