جاڭا ەرەجە 8 قاراشادان باستاپ كۇشىنە ەنەدى
اقش بيلىگى 8 قاراشادان باستاپ دۇنيەجۇزىلىك دەنساۋلىق ساقتاۋ ۇيىمى ماقۇلداعان پرەپاراتتارمەن تولىق ۆاكسينالانعان بارلىق شەتەلدىكتەرگە ەلگە كىرۋگە رۇقسات بەرەتىن بولدى، دەپ حابارلايدى Almaty-akshamy.kz قازاقپارات اگەنتتىگىنە سىلتەمە جاساپ.
ۆۆس اقپارات اگەنتتىگىنىڭ مالىمەتىنشە، اقش بيلىگى كوروناۆيرۋسقا قارسى ەكپەنى سالدىرتقان بارلىق شەتەلدىكتەرگە ەلگە كىرۋگە رۇقسات بەرەدى. جاڭا ەرەجە 8 قاراشادان باستاپ كۇشىنە ەنەدى.
وسىلايشا، ۆاشينگتون تاريحتا Covid-19 ەپيدەمياسى باستالعاندا ەنگىزىلگەن ەڭ كولەمدى شەكتەۋلەردى الىپ تاستايدى.
2020 جىلدىڭ قاڭتارىندا قىتايدان امەريكاعا وتپەك بولعان كەلۋشىلەر ءۇشىن شەكارا جابىلىپ، كەيىن الەمنىڭ باسقا ەلدەرى دە وسىنداي تىيىم سالعان بولاتىن.