ەكىجاقتى قاتىناستاردى ودان ءارى دامىتۋعا بەيىلدىلىگى اتاپ ءوتىلدى.
اقش كونگرەسىندە سەمەي يادرولىق سىناق پوليگونى جابىلۋىنىڭ 30 جىلدىعىنا وراي №616 قاراردى ەنگىزىپ تىركەدى، دەپ حابارلايدى Almaty-akshamy.kz.
«قۇجاتتا قازاقستاننىڭ جاپپاي قىرىپ-جويۋ قارۋىن تاراتپاۋ جونىندەگى جاھاندىق رەجيمدى نىعايتۋ جونىندەگى دايەكتى جۇمىسىنا، سونداي-اق وسى جىلى 30 جىلدىعى اتاپ وتىلەتىن اقش-پەن ءتۇرلى سالالارداعى، سونىڭ ىشىندە قاۋىپسىزدىك، ادام قۇقىقتارى جانە باسقا دا سالالارداعى ەكىجاقتى قاتىناستاردى ودان ءارى دامىتۋعا بەيىلدىلىگى اتاپ ءوتىلدى»، – دەلىنگەن قازاقستاننىڭ سىرقى ىستەر مينيسترلىگىنىڭ باسپا ءسوز قىزمەتىنىڭ حابارلاماسىندا.
كونگرەسسمەندەردىڭ باستاماسى اقش زاڭ شىعارۋشى ورگانى مۇشەلەرىنىڭ قازاقستاننىڭ تاراتپاۋ رەجيمىن نىعايتۋعا جانە جاھاندىق قاۋىپسىزدىككە قوسقان ۇلەسىنە، ونىڭ ىشىندە تۇڭعىش پرەزيدەنت – ەلباسى نۇرسۇلتان نازاربايەۆتىڭ وسى سالاداعى كۇش-جىگەرىنە جانە الەمگە يادرولىق قاتەردى ازايتۋ ىسىندەگى بىرلەسكەن جەتىستىكتەرىنە نازار اۋداراتىنىن كورسەتتى.