بۇل تۋرالى توتەنشە جاعدايلار مينيسترلىگى ءمالىم ەتتى.
2024 جىلدىڭ 26 ساۋىرىندە "سەمەي ورمانى" مەملەكەتتىك تابيعي ورمان رەزەرۆاتى بورودۋليحا فيليالىنىڭ دميتريەۆ ورمان شارۋاشىلىعىنىڭ مەملەكەتتىك ينسپەكتورى ورمان ءورتىن انىقتادى، دەپ حابارلايدى Almaty-akshamy.kz
"ءورت ورنىنا 7 بىرلىك ءورت ءسوندىرۋ ماشيناسى مەن ورمان كۇزەتىنىڭ 11 ادامى شىقتى. ءورتتى ءسوندىرۋ جۇرگىزىلدى. بۇدان ءارى الگوريتمگە سايكەس ءورت تۋرالى حابارلاما اباي وبلىسىنىڭ تجد-نە بەرىلدى. ءورتتى سوندىرۋگە 36 ادام جانە 9 بىرلىك تەحنيكا جۇمىلدىرىلعان"، دەلىنگەن حابارلامادا.
باتپاقتى جەر بولعاندىقتان ءورت ورنىنا جەتۋ قيىنداعان.
قوسىمشا سەمەي قالاسىنان اباي وبلىسى تجد كۇشتەرى مەن قۇرالدارى جەكە قۇرامنىڭ 21 ادامى جانە 6 بىرلىك تەحنيكا جىبەرىلدى. ءورتتىڭ اۋدانى ناقتىلانۋدا.