التىن يەلەنۋشىلەر كوشىن الماتى باستاپ تۇر

بۇل بيىلعى 3 ايدىڭ كورسەتكىشى.

قازاقستاندىقتار 19 مىڭعا جۋىق التىن قۇيما ساتىپ العان، دەپ حابارلايدى Almaty-akshamy.kz

2024 جىلدىڭ I توقسانىندا ەكىنشى دەڭگەيلى بانكتەر مەن جەكە بانكتىك ەمەس ايىرباستاۋ پۋنكتتەرى جالپى سالماعى 816،4 كەلى بولاتىن 18 969 ولشەۋىش قۇيما ساتقان.

2024 جىلدىڭ I توقسانىندا ولشەۋىش قۇيمالاردى ساتۋدىڭ ەڭ ۇلكەن كولەمى مىنا وڭىرلەردە تيەسىلى ەكەنى حابارلاندى:

الماتى (12 456 دانا، 66%)؛

شىمكەنت (2 861 دانا، 15%)؛

جەتىسۋ وبلىسى (983 دانا، 5%).

ۇلتتىق بانكتىڭ مالىمەتىنشە، 2017 جىلى حالىق ءۇشىن تازارتىلعان التىننىڭ ولشەۋىش قۇيمالارىن ساتۋ جانە ساتىپ الۋ جونىندەگى باعدارلامانىڭ باستالۋىنان باستاپ جالپى سالماعى 6،2 توننا 170 543 التىن قۇيما ساتىلعان. كەرى ساتىپ الۋعا جالپى سالماعى 937،7 كەلى بولاتىن 34 569 ولشەۋىش قۇيما قابىلداندى، بۇل ولشەۋىش قۇيمالاردى ساتۋدىڭ جالپى كولەمىنىڭ 20% قۇرايدى.

ساتىپ الۋشىلار اراسىندا ەڭ تانىمالى – سالماعى 10 گرامدىق قۇيما، ونىڭ جالپى ساتىلىمىنىڭ ۇلەسى 25% – 43 039 دانا. ودان كەيىن 100 گرام - 40 004 دانا (23%)، 5 گرام - 39 093 دانا (23%)، 20 گرام – 28 581 دانا (17%) جانە 50 گرام - 19 826 دانا (12%).