سەيفۋللين-جانسۇگىروۆ جولايرىعىن ىسكە قوسۋ ءبىرقاتار كوشەلەردىڭ وتكىزۋ قابىلەتىن ورتا ەسەپپەن 15-20-عا ارتتىرۋعا مۇمكىندىك بەرەدى
الماتى ءماسليحاتىنىڭ كەزەكتى سەسسياسى بارىسىندا قالالىق موبيلدىلىك باسقارماسىنىڭ باسشىسى ساعىندىق تەلىبايەۆ دەپۋتاتتاردىڭ وسى جولايرىعىن ىسكە قوسۋدىڭ اسەرى جانە كولىك سالاسىنداعى باسقا دا ءىرى جوبالار قۇرىلىستارىنىڭ بارىسى تۋرالى سۇراقتارىنا جاۋاپ بەردى، دەپ حابارلايدى aqshamnews.kz
«سەيفۋللين داڭعىلى مەن جانسۇگىروۆ كوشەسىنىڭ قيىلىسىندا جولايرىعىن سالۋ سەيفۋللين داڭعىلىندا وتكىزۋ قابىلەتىن 15-20% – عا، جانسۇگىروۆ كوشەسى بويىنشا 15% - عا ارتتىرۋعا مۇمكىندىك بەرەدى دەپ كۇتىلۋدە»، - دەپ اتاپ ءوتتى ساعىندىق تەلىبايەۆ.
ونىڭ ايتۋىنشا، بۇگىندە ساين، تولە بي جانە جۇبانوۆ كوشەلەرىن ۇزارتۋ جالعاسۋدا. قمب-نىڭ باسشىسى بۇل جۇمىستىڭ تيىمدىلىگى قالانىڭ باتىس جانە سولتۇستىك-باتىس بولىكتەرىندەگى كەپتەلىستەردى 15% - عا ازايتۋ ەكەنىن اتاپ ءوتتى.
«سونىمەن قاتار، ساين كوشەسى باكادقا دەيىنگى راديالدى جول بولىپ تابىلادى، بۇل قالانىڭ سولتۇستىك-باتىس بولىگىن ۇلكەن الماتى اينالما اۆتوموبيل جولىنا شىعۋمەن قامتاماسىز ەتەدى. ال بۇل ءوز كەزەگىندە قالا قۇرىلىسى اۋماعىنان تىس ترانزيتتىك اۆتوكولىكتىڭ ءوتۋى ەسەبىنەن قالانىڭ كوشە-جول جەلىسىندە كولىك جۇكتەمەسىن ازايتادى»، - دەدى ول.
ەستەرىڭىزگە سالا كەتەيىك، سەيفۋللين-جانسۇگىروۆ جولايرىعىنداعى قوزعالىس اعىمداعى جىلدىڭ سوڭىنا دەيىن اشىلادى دەپ جوسپارلانۋدا. بۇگىنگى تاڭدا «باتىس» جانە «شىعىس» وتكەلدەرىندە رامپالىق ۋچاسكەنى، تروتۋارلاردى ورناتۋ، ينجەنەرلىك جەلىلەردى قايتا قۇرۋ، سونداي-اق جەر ءۇستى جاياۋ جۇرگىنشىلەر وتكەلىن سالۋ بويىنشا جۇمىستار جۇرگىزىلۋدە.