كۇن سۋىتا كەلە جەدەل رەسپيراتورلىق ۆيرۋستىق ينفەكسيالار مەن تۇماۋدىڭ پايدا بولۋ ءقاۋپى ارتادى. الماتى قالاسىنىڭ قوعامدىق دەنساۋلىق ساقتاۋ باسقارماسىندا تۇرعىنداردى ماۋسىمدىق ەپيدەميادان قورعاۋ ءۇشىن كەشەندى شارالار قابىلداندى، دەپ حابارلايدى aqshamnews.kz
وكق بريفينگىندە الماتى قالاسى قوعامدىق دەنساۋلىق ساقتاۋ باسقارماسىنىڭ ەپيدەميولوگيالىق باقىلاۋ ءبولىمىنىڭ باسشىسى باقجانار مۇحامادييەۆا جرۆي مەن تۇماۋدىڭ الدىن الۋ ءۇشىن كەلەسى شارالار ەنگىزىلگەنىن حابارلادى:
- 1 قىركۇيەكتەن باستاپ ەمحانالاردىڭ بارلىق ەگۋ كابينەتتەرى مەن سۇزگىلەرى دەمالىس جانە مەرەكە كۇندەرىن قوسا العاندا، كۇشەيتىلگەن جۇمىس رەجيمىنە اۋىستىرىلادى؛
- قالا بويىنشا فەلدشەرلىك بريگادالاردىڭ جۇمىسى ءۇشىن ەمحانالار جانىنداعى جەدەل مەديسينالىق جاردەم بولىمشەسى دەڭگەيىندە شۇعىل 4 ساناتتاعى شاقىرۋلارعا قىزمەت كورسەتۋ ءۇشىن 102 جەدەل مەديسينالىق اۆتوكولىك ءبولىندى، بۇل پاسيەنتتەردىڭ ۇيلەرىنە بارىپ، جىلدام قىزمەت كورسەتۋگە مۇمكىندىك بەرەدى؛
- جرۆي جانە تۇماۋمەن اۋىراتىن ناۋقاستاردى اۋرۋحاناعا جاتقىزۋ ءۇشىن قالا ستاسيونارلارىندا 453 ورىن دايىندالدى جانە قوسىمشا ناۋقاستار سانى ارتقان جاعدايدا تاعى 90 توسەك ورنالاستىرۋ مۇمكىندىگى قاراستىرىلعان، بۇل ستاسيونارلىق كۇتىمگە مۇقتاج پاسيەنتتەردى ۋاقتىلى اۋرۋحاناعا جاتقىزۋدى جانە ەمدەۋدى قامتاماسىز ەتۋگە مۇمكىندىك بەرەدى.
- دايىندىقتىڭ ماڭىزدى بولىگى قارقىندى تەراپيا كورسەتۋگە دايىندىق بولدى: الماتىنىڭ مەديسينالىق مەكەمەلەرىندەوكپەنى جاساندى جەلدەتۋگە ارنالعان 892 اپپارات (ءوجج) بار، بۇل تۇماۋ مەن جرۆي اۋىر تۇرلەرىمەن اۋىراتىن ناۋقاستارعا كومەك كورسەتۋگە مۇمكىندىك بەرەدى.
-سونداي-اق، قالانىڭ جەدەل مەديسينالىق جاردەم قىزمەتى حالىق اراسىندا تۇماۋ، جرۆي جانە كۆي-مەن سىرقاتتانۋشىلىق كوتەرىلگەن جاعدايدا، جرۆي بەلگىلەرى بار جانە ولاردىڭ اسقىنۋلارى بولعان جۇكتى ايەلدەر جانە 1 جاسقا دەيىنگى بالالاردى ۋاقتىلى اۋرۋحاناعا جاتقىزىزا وتىرىپ، باسىم تارتىپپەن قىزمەت كورسەتۋگە دايىن.
- جەدەل مەديسينالىق جاردەم قىزمەتىندە حالىقتىڭ ءوتىنىشى كۇرت ارتقان جاعدايدا، 103 - تەن شاقىرتۋ قابىلداۋ جەلىلەرىن ۇلعايتا وتىرىپ، قوسىمشا ديسپەچەر-ۇستەلدەردى اشۋ جانە جمجق رەزەرۆتىك بريگادالارىن جەلىگە شىعارۋ بويىنشا جۇمىس جۇرگىزىلەتىن بولادى.
- بۇگىنگى تاڭدا حالىققا 186 جمجق بريگاداسى قىزمەت كورسەتەدى. قاجەت بولعان جاعدايدا بريگادالار سانى 200-گە دەيىن ارتادى.
«مەديسينا قىزمەتكەرلەرىن وقىتۋعا ەرەكشە نازار اۋدارىلدى: دارىگەرلەر مەن قىزمەت ماماندارى ءۇشىن قالالىق سەمينار وتكىزۋ جوسپارلانۋدا. بۇل ءىس-شارا مەديسينا قىزمەتكەرلەرىنىڭ ءبىلىمىن جاڭارتۋعا جانە ولاردى ۆيرۋستىق ينفەكسيالارمەن ءتيىمدى كۇرەسۋگە دايىنداۋعا مۇمكىندىك بەرەدى»، - دەپ تولىقتىردى ب.مۇحامادييەۆا.
الدىن الۋ شارالارى ماقساتىندا باسقارما ۆاكسيناسيا جۇرگىزۋ ءۇشىن جەرگىلىكتى بيۋدجەت قاراجاتىنان تاۋەكەل توبىنداعى ادامدار ءۇشىن 200 000 دوزا مولشەرىندە ۇشۆالەنتتى تۇماۋعا قارسى «گريپپول پليۋس» ۆاكسيناسىنىڭ پارتياسى ساتىپ الىندى.
اتاپ وتكەندەي، تۇماۋعا قارسى ۆاكسيناسيا ناۋقانى اعىمداعى جىلدىڭ 15 قىركۇيەگىنەن باستالادى.
سونىمەن قاتار، قوعامدىق دەنساۋلىق ساقتاۋ باسقارماسى قالا تۇرعىندارىن الدىن الۋدىڭ قاراپايىم ەرەجەلەرىن ساقتاۋعا شاقىرادى:
- جرۆي-مەن اۋىراتىن ناۋقاستارمەن بايلانىستا بولۋدان اۋلاق بولۋعا تىرىسۋ، ەگەر ول مۇمكىن بولماعان جاعدايدا، وندا ماسكا تاعىپ ءجۇرۋ؛
- ناۋقاستانعان ادام قوعامدىق ورىنداردا، ۇجىمدىق ورىندارعا بارعاندا؛ ۇيدە، وتباسىمەن بولعاندا ماسكا تاعىپ ءجۇرۋى كەرەك؛
- اۋىرىپ قالعان جاعدايدا ءوزىن-وزى ەمدەۋمەن اينالىسپاي، مەديسينالىق كومەككە جۇگىنۋ كەرەك؛
- تۇشكىرىپ، جوتەلگەن كەزدە اۋىزدى قولمەن، مايلىقپەن جابۋ كەرەك؛
- قولدى بارىنشا ءجيى جۋۋ؛
- يممۋندىق جۇيەنى كوتەرۋ، س دارۋمەنىن كوبىرەك تۇتىنۋ؛
- كوپشىلىك قاتىساتىن ءىس-شارالارعا بارۋدى ازايتۋ، اسىرەسە جرۆي مەن تۇماۋ كۇشەيگەن كەزدە؛
- اتا-انالارعا بالالارى ناۋقاستانعان جاعدايدا، ولاردى مەكتەپ، مەكتەپكە دەيىنگى مەكەمەلرگە جىبەرمەۋ ءوتىنىشى.