15 قىركۇيەكتەن باستاپ قازاقستاندا جىل سايىن ەمحانالارعا تىركەلۋ ناۋقانى باستالادى.
الماتى قالاسى قوعامدىق دەنساۋلىق ساقتاۋ باسقارماسىنىڭ ەمدەۋ-پروفيلاكتيكالىق قىزمەت جانە مونيتورينگ، تالداۋ، سيفرلاندىرۋ جانە مەملەكەتتىك قىزمەتتەر ءبولىمىنىڭ باسشىسى ءلايلا يمانعالييەۆا 15 قاراشاعا دەيىن الماتىلىقتار قالاي جانە قايدا تىركەلۋى مۇمكىن ەكەنىن ايتتى، دەپ حابارلايدى Almaty-akshamy.kz.
وڭىرلىك كوممۋنيكاسيالار قىزمەتىنىڭ بريفينگىندە حابارلانعانداي، الماتىدا 76 العاشقى مەديسينالىق-سانيتارلىق كومەك ۇيىمى جۇمىس ىستەيدى، ونىڭ 40-ى مەملەكەتتىك جانە 36-سى جەكە مەنشىك نىساندى. ولاردىڭ بارلىعى تمككك جانە ءمامس شەڭبەرىندە قىزمەت كورسەتەدى.
ەكى ادىسپەن تىركەلۋگە بولادى: ءبىرىنشى ءادىس - العاشقى مەديسينالىق-سانيتارلىق كومەك ۇيىمىنا تىكەلەي حابارلاسۋ، ەكىنشى ءادىس – «ەلەكتروندىق ۇكىمەتتىڭ» ۆەب-پورتالى ارقىلى.
ايتا كەتۋ كەرەك، پاسيەنتتەرگە جىلىنا ءبىر رەتكە دەيىن ەركىن تاڭداۋ قۇقىعى بويىنشا ناۋقاننان تىس ەمحاناعا تىركەلۋ مۇمكىندىگى بەرىلەدى. سونداي-اق، جۇمىس نەمەسە وقۋ ورنى كوشكەن جانە اۋىسقان جاعدايلاردا، سونداي-اق مەديسينالىق مەكەمە تاراتىلعان نەمەسە قايتا ۇيىمداستىرىلعان كەزدە.
جەكە تۇلعالاردى مساك ۇيىمدارىنا بەكىتۋ مساك كورسەتۋ ءۇشىن نەگىز بولىپ تابىلادى جانە قاعيداتتاردا جۇزەگە اسىرىلادى:
- وتباسىلىق قىزمەت كورسەتۋ ءپرينسيپى؛
- مساك اۋماقتىق قولجەتىمدىلىگى؛
- مساك اۋماقتىق قولجەتىمدىلىگى شەگىندە مەديسينالىق ۇيىمدى ەركىن تاڭداۋ؛
- پاسيەنتتىڭ مەديسينالىق كومەكتىڭ ساپاسىنا قاناعاتتانۋى؛
- مەنشىك نىسانىنا جانە ۆەدومستۆولىق باعىنىستىلىعىنا قاراماستان تەڭ قۇقىلى جانە ادال باسەكەلەستىك.
ەڭبەك ميگرانتتارىن تىركەۋگە كەلەتىن بولساق، ىشكى ىستەر ورگاندارى بەرەتىن ۋاقىتشا تۇرۋعا رۇقسات قۇجات قاجەت.
«بۇل قۇجاتتا شەتەلدىكتىڭ بولۋ مەرزىمى كورسەتىلەدى، ءدال وسى مەرزىمگە مەديسينالىق ۇيىم ەڭبەك ميگرانتتارىن بەكىتەدى. تىركەۋگە سۇراۋ سالۋ دۇرىس جاسالعان كەزدە كورسەتىلگەن مەرزىم وتكەننەن كەيىن شەتەلدىك ۇيىمنان اۆتوماتتى تۇردە تىركەۋدەن شىعارىلادى»، - دەپ ءتۇسىندىردى ل.يمانعالييەۆا.
تىركەۋ ناۋقانى تەك ءامس قورىنىڭ دەرەكتەر بازاسىندا تىركەلگەن مەديسينالىق ۇيىمدار اراسىندا جۇزەگە اسىرىلادى. قوردىڭ https://fms.kz/kz/ سايتىندا تىركەلۋگە بولاتىن ەمحانالار تىزىمىمەن تانىسۋعا بولادى.