"جاس قانات - 2023" فيناليستەرى انىقتالدى! 2 ماۋسىمدا، رەسپۋبليكا سارايىنىڭ ساحناسىندا كورەرمەندەر جارتىلاي فينالدى تاماشالادى. كونكۋرسانتتار وزدەرىنىڭ ۆوكالدىق ونەرلەرىن وركەستر سۇيەمەلدەۋىنەن كورسەتتى. كورنەكتى ديريجەر الەكساندر بەلياكوۆ باسقاراتىن AlJazz ەسترادالىق جانە سيمفونيالىق وركەسترى جاس ورىنداۋشىلارعا تاپتۆرماس قولداۋ ەدى. وسىنداي تاماشا سۇيەمەلدەۋدىڭ جانە بايقاۋعا قاتىسۋشىلار تاڭداعان رەپەرتۋاردىڭ ارقاسىندا بايقاۋدىڭ ەكىنشى كۇنى قازاقستاندىق جانە الەمدىك حيتتەردىڭ كونسەرتىنە اينالدى! ءبىز ۋيتني حيۋستوننىڭ، كريستينا اگيلەرانىڭ جانە ءتىپتى QUEEN رەپەرتۋارىن جاڭا فورماتتا ەستىدىك. كورەرمەننىڭ ەموسيونالدى قولداۋىنا يە بولعان تاماشا قويىلىم قازىلار القاسىنىڭ دا كوڭىلىنەە شىعىپ، جوعارى باعا الدى. ال ەكى جارىس كۇنىنىڭ قورىتىندىسى بويىنشا سەگىز كوشباسشى انىقتالدى. بۇرىن ويلاعانداي جەتى ەمەس، سەگىز ەدى. ويتكەنى ەكى قاتىسۋشى بىردەي ۇپاي جينادى. ولار التىن، كۇمىس، قولا قاناتتى جانە گران-پريدى ساراپقا سالادى. سونىمەن، ورىندار كەلەسىدەي ءبولىنىپ وتىر:
1. نارعىز جانۇزاقوۆا، اقتوبە، 219 ۇپاي
2. الماگۇل باتتالييەۆا، الماتى، 218 ۇپاي
3. ەرنازار جۇبان، اتىراۋ، 215 ۇپاي
4. ارۋجان بيسەمباي، ورال، 206 ۇپاي
5. ناريمان جولداسبەكوۆ، پەتروپاۆل، 205 بالل
6. بەنازير الىمحوجايەۆا، الماتى جانە مادينا قابدوللا، پاۆلودار، 198 ۇپاي
7. نۇراسىل ساتىبالدى، شىمكەنت، 190 ۇپاي
«جاس قانات 2023» فينالدى كۇنىندە فينالعا شىققانداردى عانا ەمەس، بارلىق قاتىسۋشىلاردى دا تىڭدايتىن بولامىز. ولار بەلگىلى كومپوزيتور، ديريجەر، ارانجيروۆكاشى يليا باشقاتوۆ جەتەكشىلىك ەتەتىن ۇجىمنىڭ سۇيەمەلدەۋىمەن ونەر كورسەتەدى. بۇل بايقاۋعا قاتىسۋشىلار ءۇشىن تاعى ءبىر ەرەكشە تاجىريبە.
– مەن وسى ونەرلى جاستاردى كورىپ، ەستىپ، وتانىمىز ءۇشىن قۋاندىم. ەلىمىز - تالانتتار وشاعى! – دەيدى، بايقاۋدىڭ قازىلار القاسىنىڭ مۇشەسى، وپەرا ءانشىسى، كسرو حالىق ءارتىسى، قازاقستاننىڭ ەڭبەك ەرى الىبەك دىنىشيەۆ.
"تالانتتارعا باي ولكەمىز. جاس قانات دەر كەزىندە قايتا جاڭعىردى! ونەردەگى جولى باياندى بولسىن! جاس قانات وركەندەپ، كەلەسى 30 جىلدىق مەرەيتويلىق بايقاۋدا كەزدەسەيىك!".
كەشتە تاعى ءبىر ماڭىزدى وقيعا بولدى. باس پروديۋسەر، «جاس قانات» قازىلار القاسىنىڭ ءتوراعاسى ارمانجان بايتاسوۆ 2 شىلدە كۇنى الماتىلىقتار مەن وڭتۇستىك استانا قوناقتارىن «ازيا داۋىسى» پيكنيگىگە شاقىردى! بۇل شارا شىلدەنىڭ 28ء-ى مەن 30-ى ارالىعىندا «مەدەۋ» مۇز ايدىنىندا وتەتىن «ازيا داۋىسى» فەستيۆالىنىڭ اتموسفەراسىنا كىرىسپە بولماق. «ازيا داۋىسىنىڭ» ارقاسىندا قازاقستان بۇكىل مۋزىكا الەمىنە تانىمال بولدى. الەمدىك دەڭگەيدەگى جۇلدىزداردىڭ، كوپتەگەن تالانتتى مۋزىكانتتار مەن ورىنداۋشىلاردىڭ دۇنيەگە كەلۋىنە سەبەپ بولدى. فەستيۆال بىرنەشە ۇرپاقتىڭ كۋميرلەرى مەن ءتۇرلى جانرداعى مۋزىكا اۋەسقويلارىن ءبىر الاڭعا جينادى. شىن مانىندە، بۇل وسى جازدىڭ ەڭ سالتاناتتى الاڭىندا وتەتىن قايتا جاڭعىرعان «ازيا داۋىسى» فەستيۆالىنىڭ تۇساۋكەسەرى بولماق.
ال ءبىز، بارشاڭىزدى ساعات 15.00-دە «جاس قانات» بايقاۋىنىڭ فينالىندا كۇتەمىز. ودان كەيىن ماراپاتتاۋ ءراسىمى وتەدى. ارتىنان، 19:00-دە اككرەديتتەلگەن ب ا ق وكىلدەرىن قاتىسۋشىلارمەن جانە ۇيىمداستىرۋشىلارمەن بەيرەسمي جاعدايدا سويلەسۋگە بولاتىن Afterparty-گە شاقىرامىز. مەكەن-جايى: MediaCafe، قاشقار كوشەسى 69\102
باس دەمەۋشى: «ASTANA MOTORS» قمك «CHERY» ساۋدا بەلگىسىمەن
رەسمي تەلەارنا - Almaty.tv
رەسمي گازەتتەر: «Almaty aqshamy جانە «ۆەچەرنيي الماتى».
اقپاراتتىق قولداۋ: 1-كانال ەۆرازيا، نتك، حابار، MUZZONE TV، Business FM، RadioCity، Business Kazakhstan، قالا مەن دالا، Kursiv، Forbes.kz، Zakon.kz، Caravan.kz، Nege.kz، Arbat.media، Baigenews.kz، Zhatpa.kz، DALA INSIDE جانە قازاقستان باسپا ءسوز كلۋبى.