كرەديتتىك الاياقتىققا قارسى ءىس-قيمىل تەتىكتەرىن ىسكە اسىرۋ جول كارتاسى ازىرلەندى. بۇل جايىندا ءماجىلىس دەپۋتاتتارىنىڭ ساۋالىنا قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ مىندەتىن اتقارۋشى نۇرلان ءابدىراحمانوۆتىڭ جاۋابىندا ايتىلعان، دەپ حابارلايدى Almaty-akshamy.kz.
«ازاماتتاردى الاياقتاردان قورعاۋدى ارتتىرۋ ماقساتىندا اگەنتتىك كرەديتتىك الاياقتىققا قارسى ءىس-قيمىل تەتىكتەرىن ىسكە اسىرۋ جونىندەگى جول كارتاسىن ازىرلەدى»، - دەپ اتاپ وتەدى ول جاۋابىندا.
ونىڭ اتاپ وتۋىنشە، جول كارتاسى اياسىندا:
1) قارجى ۇيىمدارىمەن الاياقتىق وپەراسيالار جانە وسىنداي وپەراسيالارعا تارتىلعان ادامدار بويىنشا دەرەكتەر اقپارات الماسۋ ءۇشىن انتيفرود-ورتالىق قۇرۋ؛
2) الاياقتىق بەلگىلەرى انىقتالعان كەزدە كليەنتتىڭ ءوتىنىشى بويىنشا اقشاعا قولجەتىمدىلىكتى توقتاتۋ ءتارتىبىن ازىرلەۋ؛
3) كرەديتتىك الاياقتىقتى، جالعان شوپينگتى نەمەسە وزگە دە زاڭسىز قىزمەتتى انىقتاۋدىڭ ونلاين جۇيەسىنىڭ بولۋى بويىنشا كرەديتتىك بيۋروعا قويىلاتىن تالاپتاردى بەلگىلەۋ؛
4) جەكە تۇلعالارعا بەرىلگەن ونلاين قارىزدار تۋرالى اقپاراتتى ناقتى ۋاقىت رەجيمىندە كرەديتتىك بيۋرولارعا بەرۋ جونىندەگى تالاپتاردى بەلگىلەۋ؛
5) بانكتەرگە جانە مقۇ-عا ونلاين كرەديت الۋعا ءوتىنىمنىڭ كەلىپ تۇسكەنى، سونداي-اق ونلاين كرەديتتى رەسىمدەۋگە ونىڭ راستاماسىن العاننان كەيىن عانا كليەنتتىڭ شوتىنا اقشا اۋدارۋ مۇمكىندىگى تۋرالى كليەنتتى حاباردار ەتۋ بويىنشا تالاپتاردى ەنگىزۋ؛
6) ونلاين رەجيمدە ميكروكرەديتتەر بەرۋ كەزىندە قارجى ۇيىمدارىنىڭ ءموبيلدى قوسىمشالارىنىڭ قاۋىپسىزدىگىنە قويىلاتىن تالاپتاردى ارتتىرۋ كوزدەلگەن.
«سونىمەن قاتار، اگەنتتىك ءبىرىنشى رەت كىرگەن، ءقۇپياسوزدى وزگەرتكەن جانە قارىز العان كەزدە مىندەتتى بولاتىن بيومەتريانى ەنگىزدى، قوسىمشانىڭ جۇمىس ىستەۋ قاۋىپسىزدىگىنىڭ بۇزىلۋ بەلگىلەرى انىقتالعان كەزدە موبيلدىك قۇرىلعىنى قول جەتكىزۋ قۇقىقتارىنىڭ بۇزىلۋ بەلگىلەرىنىڭ بولۋى نەمەسە قاشىقتان باسقارۋ جانە فۋنكسيونالدى بۇعاتتاۋ پروسەسىنىڭ بولۋى تۇرعىسىنان تەكسەرۋدى جۇزەگە اسىردى»، - دەدى نۇرلان ءابدىراحمانوۆ.