مۇنداي پىكىردى ساۋلەتشى، الماتى ءماسليحاتىنىڭ دەپۋتاتى نازەركە مۋنداحانوۆا دوڭگەلەك ۇستەل بارىسىندا ءبىلدىردى، دەپ حابارلايدى aqshamnews.kz.
وندا رايىمبەك داڭعىلى بويىنشا پۋشكين كوشەسىنەن سەيفۋللين داڭعىلىنا دەيىنگى BRT ءدالىزىنىڭ ءبىرىنشى ۋچاسكەسىنىڭ جوباسى ۇسىنىلدى.
ساراپشىلار جوبانىڭ نەگىزگى اسپەكتىلەرىن وڭ اتاپ ءوتىپ، ونىڭ كولىك ينفراقۇرىلىمىن جاقسارتۋعا جانە قالا تۇرعىندارىنىڭ ءومىر ءسۇرۋ ساپاسىن ارتتىرۋعا ءتيىمدى اسەرىن اتاپ ءوتتى.
نازەركە مۋنداحانوۆانىڭ پىكىرىنشە، رايىمبەك داڭعىلىنداعى BRT جوباسى اۆتوموبيل جولدارىنىڭ جۇكتەمەسىن ازايتۋعا، ىرگەلەس اۋداندار اراسىنداعى كولىك قاتىناسىن جاقسارتۋعا جانە قوعامدىق كولىككە جىلدام ءارى ىڭعايلى قول جەتكىزۋدى قامتاماسىز ەتۋگە ىقپال ەتەدى.
قالالىق كولىك ينفراقۇرىلىمىن جاڭعىرتۋدىڭ ماڭىزدىلىعىن ەسكەرە وتىرىپ، ساراپشى قۇرىلىس جۇمىستارىن كەلەسى جىلدىڭ ءساۋىر ايىندا باستاۋدى ۇسىندى. ونىڭ پىكىرىنشە، بۇل قالانىڭ كولىك ماسەلەلەرىن شەشۋگە كەشەندى كوزقاراستى قامتاماسىز ەتۋگە مۇمكىندىك بەرەدى.
«BRT-بۇل بۇكىل قالامەن بايلانىستى بولاتىن ساپالى جاياۋ جۇرگىنشىلەر مەن قوعامدىق كولىكتەردەگى ەڭ جاقسى تاجىريبەلەردىڭ ءبىرى. رايىمبەك باتىر داڭعىلى بويىنداعى جوبا - جاقسى جوبا. بۇل داڭعىل – قالاداعى ەڭ ۇزىن داڭعىلداردىڭ ءبىرى، ول 70 مىڭعا جۋىق اۆتوكولىك جۇرگىزۋشىسى وتەتىن ۇلكەن كولىك تورابى. جۇيەنى نەعۇرلىم تەگىس ەنگىزۋ جانە قۇرىلىس پروسەسىندە مۇمكىن بولاتىن وزگەرىستەرگە بەيىمدەلۋ ءۇشىن ماكسيمالدى تيىمدىلىك ءۇشىن كەلەسى جىلدىڭ ءساۋىر ايىندا قۇرىلىس-مونتاج جۇمىستارىن باستاۋدى ۇسىنامىز. بۇل ءتاسىل رەسۋرستاردى تيىمدىرەك پايدالانۋدى جانە ءارتۇرلى قىزمەتتەردىڭ جۇمىسىن ۇيلەستىرۋدى قامتاماسىز ەتەدى»، - دەدى نازەركە مۋنداحانوۆا.
ساراپشىلار قاۋىمداستىعىنىڭ پىكىرىن ەسكەرە وتىرىپ، جوبانى بىرنەشە كەزەڭدە جۇزەگە اسىرۋ تۋرالى شەشىم قابىلداندى. قالالىق موبيلدىلىك باسقارماسىنىڭ باسشىسى ساعىندىق تەلىبايەۆ اتاپ وتكەندەي، وسى جىلدىڭ كۇزىندە مەردىگەرلىك ۇيىمدى انىقتاۋ بويىنشا ەكى ۋچاسكەگە كونكۋرس جاريالانادى: پۋشكين كوشەسىنەن سەيفۋللين داڭعىلىنا دەيىن جانە سەيفۋللين داڭعىلىنان احريمەنكو كوشەسىنە دەيىن.
«بيىل ينجەنەرلىك جەلىلەردى قايتا قۇرۋ، ءوستى ءبولۋ سياقتى دايىندىق جۇمىستارىن باستايمىز جانە «ساياحات» اۋدانىندا ءىرى ايالداما كەشەندەرىنىڭ قۇرىلىسىن اياقتايمىز. ال نەگىزگى قۇرىلىس-مونتاج جۇمىستارىن كەلەسى ماۋسىمنان باستايمىز»، - دەدى ساعىندىق تەلىبايەۆ.