ءبىر ايدىڭ ىشىندە پاتەرلەردى قايتا ساتۋ باعاسى 1،8% ءوسىپ، شارشى مەترىنە 459 137 تەڭگەنى قۇرادى
ءبىر جىلدا (2022 جىلعى ءساۋىر مەن 2021 جىلعى ءساۋىردى سالىستىرعاندا) پاتەرلەردى قايتا ساتۋ باعالارى 27،7%، جاڭا تۇرعىن ۇيلەردى ساتۋ 20،3% ءوستى، دەپ حابارلايدى Almaty-akshamy.kz ۇلتتىق ستاتيستيكا بيۋروسىنا سىلتەمە جاساپ.
ال اباتتاندىرىلعان تۇرعىن ءۇيدى جالعا الۋ تولەمى وتكەن جىلعى ءتيىستى ايمەن سالىستىرعاندا 2022 جىلعى ساۋىردە 22،2% ارتقان.
وسى رەتتە تۇرعىن ءۇي باعاسىنىڭ قاتارىنان بەسىنشى جىل ءوسىپ جاتقانىن اتاپ وتكەن ءجون. باعانىڭ تومەندەۋى 2016 جىلى عانا بولدى، ول كەزدە جاڭا تۇرعىن ءۇي نارىقتا 3،6%-عا ارزاندادى، 2017 جىلى قايتا ساتۋ نارىعىنداعى شارشى مەتردىڭ باعاسى 1،6%-عا ارزانداعان.
«ءبىر ايدىڭ ىشىندە (2022 جىلعى ناۋرىزعا قاراعاندا) پاتەرلەردى قايتا ساتۋ باعالارى 1،8% ءوسىپ، شارشى مەترىنە 459 137 تەڭگەنى قۇرادى. جاڭا تۇرعىن ءۇيدى ساتۋ جانە اباتتاندىرىلعان تۇرعىن ءۇيدى جالعا الۋ تولەمى الدىڭعى ايمەن سالىستىرعاندا ساۋىردە ءارقايسىسى 0،8%-عا جوعارىلاپ، شارشى مەترىنە تيىسىنشە 412 315 تەڭگە جانە 3 561 تەڭگەنى قۇرادى»، - دەلىنگەن كوميتەت حابارلاماسىندا.
ايتا كەتەرلىگى، ق ر سجرا ۇلتتىق ستاتيستيكا بيۋروسى تۇرعىن ءۇي باعاسى بويىنشا مونيتورينگتى اي سايىن جۇرگىزەدى. باعا يندەكستەرى بەلگىلەنگەن ەلدىمەكەندەر بويىنشا ىرىكتەپ بايقاۋ دەرەكتەرى نەگىزىندە قالىپتاستىرىلادى. جاڭا تۇرعىن ۇيلەر بويىنشا اقپارات ساتۋ بويىنشا وپەراسيالار جۇرگىزەتىن قۇرىلىس كومپانيالارىنان جينالادى، بۇل رەتتە پاتەردىڭ باستاپقى جانە تازا ارلەنگەندەگى باعاسى ەسكەرىلەدى. پاتەرلەردى قايتا ساتۋ جانە جالعا الۋ بويىنشا دەرەكتەر ينتەرنەتتە، بۇقارالىق اقپارات قۇرالدارىندا ورنالاستىرىلاتىن حابارلاندىرۋلار نەگىزىندە جينالادى.