بۇگىن «AMANAT» ءتوراعاسى ەرلان قوشانوۆ بەينەكونفەرەنسيا بايلانىسى ارقىلى كونستيتۋسياعا وزگەرىستەر مەن تولىقتىرۋلار ەنگىزۋ جونىندەگى رەفەرەندۋمدى قولداۋ ءۇشىن پارتيانىڭ رەسپۋبليكالىق شتابىنىڭ العاشقى جيىنىن وتكىزدى، دەپ حابارلايدى Almaty-akshamy.kz.
جيىن بارىسىندا پرەزيدەنتتىڭ جالپىۇلتتىق رەفەرەندۋم وتكىزۋ باستاماسىن قولداۋ جونىندەگى «AMANAT» پارتياسىنىڭ مالىمدەمەسىن جاريالادى.
«پرەزيدەنت قازاقستان حالقىنا جاريالاعان بيىلعى جولداۋىندا اۋقىمدى ساياسي رەفورمالار ۇسىندى. بۇل رەفورمالاردىڭ ماقساتى – حالىقتىڭ ءال-اۋقاتىن ارتتىرۋ، سۋپەرپرەزيدەنتتىك باسقارۋ فورماسىنان پارلامەنت پەن ءماسليحاتتاردىڭ ءرولى كۇشەيگەن ساياسي جۇيەگە كوشۋ، دەموكراتيالىق پروسەستەر قارقىنىن ۇدەتۋ، ەلدەگى بىرلىك پەن ىنتىماقتى ارتتىرۋ»، - دەلىنگەن مالىمدەمەدە.
پارتيا ءتوراعاسى اۋقىمدى رەفورمالار سايلاۋ، پارتيالىق جانە سوت-قۇقىقتىق جۇيەسىن، اۋماقتىق-تەرريتوريالىق قۇرىلىمى مەن مەملەكەتتىك بيلىكتىڭ ءبولىنۋ ءپرينسيپىن تۇبەگەيلى وزگەرتەتىنىن اتاپ ءوتتى. ونىڭ ايتۋىنشا، بۇكىلحالىقتىق رەفەرەندۋم مەملەكەتتىڭ ناقتى وزگەرىستەرگە بەت بۇرعانىن كورسەتىپ وتىر، سوندىقتان پارتيا بارلىق كۇش-جىگەرىن كونستيتۋسيالىق رەفورمانى قوعامدىق قولداۋدى ۇيىمداستىرۋعا باعىتتاۋعا دايىن.
ءوز كەزەگىندە، پارتيانىڭ الماتى قالالىق شتابىنىڭ اشىلۋى ءوتىپ، ونىڭ قۇرامىنا مەگاپوليستەگى بەدەلدى دەگەن 55 اماناتتىق مۇشە بولدى. شتاب باسشىسىنىڭ مىندەتى پارتيا قالالىق فيليالىنىڭ اتقارۋشى حاتشىسى مەيىرجان وتىنشييەۆكە جۇكتەلدى. ونىڭ ايتۋىنشا، «جاڭا - ادىلەتتى قازاقستاننىڭ» دامۋى ءۇشىن رەفەرەندۋمدى وتكىزۋ تاعدىرشەشتى قادام.
«مەملەكەت باسشىسى جاريا ەتكەن الداعى رەفەرەندۋمدا كونستيتۋسياعا ەنگىزىلەتىن وزگەرىستەردى ەل جۇرتشىلىعىنا ءتۇسىندىرۋ ماقساتىندا «AMANAT» پارتياسى رەسپۋبليكالىق شتاب قۇرعان بولاتىن. ونىڭ قۇرامىنا ءبىزدىڭ الماتىدان 9 بەلسەندىمىز ەنىپ وتىر. ولاردىڭ قاتارىندا ءماسليحات دەپۋتاتتارى ج.ابدۋمالىك، ق.سارسەنباي، م.گراچيەۆ، ا.كوبەيەۆا، ءا.نابييەۆ، پارتيا جانىنداعى ساياسي كەڭەس پەن بيۋرو جانە ايماقتىق كەڭەس مۇشەلەرى ت.بالىقبايەۆ، ك. ماتىجانوۆ، ش.جامانبالايەۆا جانە ا.ەرنيازوۆا بار. سونداي-اق، جۇمىستى جانداندىرۋ ماقساتىن باسا نازارعا الا وتىرىپ، شتابتىڭ باسقا مۇشەلەرى ءار اۋداندا جۇمىس جاسايتىنداي 8 توپقا بولۋگە شەشىم قابىلداندى»،- دەدى قالالىق پارتيا شتابىنىڭ باسشىسى مەيىرجان وتىنشييەۆ.
جالپى، ءاقپاراتتىق-تۇسىندىرۋ جۇمىسىنا ءماجىلىس پەن قالالىق ءماسليحاتتاعى فراكسيا دەپۋتاتتارى، زيالى قاۋىم وكىلدەرى، مادەنيەت پەن سپورت قايراتكەرلەرى جانە پارتيانىڭ جاستار قاناتى بەلسەندى اتسالىساتىن بولادى. جيىن سوڭىندا شتابتىڭ جۇمىسىن جوعارى دەڭگەيدە ۇيىمداستىرۋعا قاتىستى ءبىرقاتار ناقتى تاپسىرما بەرىلدى.
ەستەرىڭىزگە سالساق، مەملەكەت باسشىسى 5 ماۋسىمدا رەسپۋبليكالىق رەفەرەندۋمدى وتكىزۋ تۋرالى جارلىققا قول قويعان.
اقپاراتتىق ماتەريال «رەسپۋبليكالىق رەفەرەندۋم جونىندەگى» ق ر زاڭىنىڭ 7 بابى 2 تارماعى بويىنشا «AMANAT» پارتياسى قوعامدىق بىرلەستىگىنىڭ الماتى قالالىق فيليالىنىڭ تاپسىرىسىمەن شىقتى، جاۋاپتى تۇلعا م. ب. وتىنشييەۆ.