راحمان الشانوۆتىڭ ايتۋىنشا، حالىق اۋقىمدى ساياسي وزگەرىستەرگە دايىن
الماتىدا رەفەرەندۋمعا قولداۋ كورسەتۋ ماقساتىندا قوعامدىق شتاب قۇرىلادى، دەپ حابارلايدى Almaty-akshamy.kz Almaty.tv-گە سىلتەمە جاساپ.
راحمان الشانوۆتىڭ ايتۋىنشا، حالىق اۋقىمدى ساياسي وزگەرىستەرگە دايىن. قوعام قايراتكەرلەرى بولاشاعىمىزدى ءوزىمىز شەشەتىن كەز كەلدى دەيدى. سوندىقتان ەلدى الدا وتەتىن رەفەرەندۋمعا جاپپاي قاتىسۋعا ۇندەپ وتىر.
«ءبىر ايدىڭ ىشىندە حالىق تالداۋعا كىرىسەر. تىكەلەي قاتىسۋى كەرەك. ەرتەڭ ساعات 11-00-دە باسپا ءسوز كونفەرەنسياسىن وتكىزەمىز. الماتىداعى بەلسەندى، حالقىمىزعا ەڭبەگى سىڭگەن ازاماتتار جينالىپ شتاب قۇرامىز دەگەن ويىمىز بار. حالىق بولىپ قاتىسايىق»، – دەدى جوو قاۋىمداستىعىنىڭ پرەزيدەنتى راحمان الشانوۆ.
اۋىل اكىمدەرىن سايلاۋ جۇيەسىنىڭ وزگەرۋى دە دەموكراتيالىق قوعامعا اينالۋدىڭ ايعاعى بولدى دەيدى قايراتكەرلەر. بۇل جۇيەنى ەندى وبلىس پەن قالا اكىمدەرىن سايلاۋعا ەنگىزۋ تۋرالى دا ۇسىنىستار ايتىلىپ جاتىر. سايىپ كەلگەندە مۇنىڭ ءبارى اشىق مەملەكەت قۇرۋعا جول اشادى دەپ سانايدى ەل قالاۋلىلارى.
«جاڭا قازاقستان قۇرۋدا باستى كوتەرىلگەن ماسەلەلەر دەپ ەسەپتەيمىن. الداعى ۋاقىتتا ءبىزدىڭ كەمەل دامۋىمىزعا، ەركىن وي-پىكىردى اشىق ايتۋعا، حالىقپەن بىرگە مەملەكەت قۇرۋعا بۇل وزگەرىستەردىڭ باستى زور»، – دەدى قۇرمانعازى اتىنداعى قازاق ۇلتتىق كونسەرۆاتورياسىنىڭ دوسەنتى، جىرشى ۇلجان بايبوسىنوۆا.