ونىڭ ايتۋىنشا، ءبىز قالاساق تا، قالاماساق تا، قانتتىڭ باعاسى وسەدى.
ق ر پرەمەر-مينيسترىنىڭ ورىنباسارى – ساۋدا جانە ينتەگراسيا ءمينيسترى باقىت سۇلتانوۆ قانتتىڭ قىمباتتاۋىنا توسقاۋىل جوق ەكەنىن مويىندادى، دەپ حابارلايدى Almaty-akshamy.kz
«بىزدە تاۋاردىڭ التى ءتۇرى بويىنشا يمپورتقا تاۋەلدىلىك بار. نەگىزگى تاۋارلار جەتپەي قالمايدى. يمپورتقا تاۋەلدىلىكتى شەكتەۋگە ارنالعان ارنايى باعدارلامامىز بار. بىزدە ەكسپورتقا تاۋەلدى تاۋارلار دا بار. مىسالى بيداي ءبىز ءۇشىن سونداي تاۋار. سىرتقى نارىقتا باعا قىمباتتاسا، ءوز ىشىمىزدە دە قىمباتتايدى»، - دەدى ۆەدومستۆو باسشىسى.
ونىڭ سوزىنە قاراعاندا، قانت سياقتى الەۋەمتتىك ماڭىزى بار تاۋارلاردىڭ باعاسىن الەۋمەتتىك-كاسىپكەرلىك كورپوراسيالار ارقىلى تۇراقتاندىرۋ جۇمىسى جۇرگىزىلىپ جاتىر. ال كەيبىر تاۋارلاردىڭ باعاسى «قارجى اينالىمى» تەتىگى ارقىلى بويىنشا تۇراقتاندىرىلعان.
«دەگەنمەن ازىق-تۇلىكتىڭ كەي ءتۇرى، مىسالى، قانت بويىنشا ايتساق، ءبىز قالاساق تا، قالاماساق تا، باعا وسەدى. ويتكەنى بۇكىل الەم بويىنشا بيرجاداعى باعا كوتەرىلىپ بارادى. بىزگە نەگىزگى قانت جەتكىزۋشى رەسەيدىڭ ءوزى تاسىمالدى توقتاتقاندىقتان، بۇل احۋال بىزگە اسەر ەتۋدە. لوگيستيكا شىعىندارى بۇكىل الەمدە ءوستى»،- دەدى باقىت سۇلتانوۆ.