بۇگىن كۇن قاتتى ىسيدى

اپتاپ ىستىقتىڭ بەتى قايتار ەمەس.

سينوپتيكتەر 18 شىلدەدەگى اۋا رايىنا بولجام جاسادى، دەپ حابارلايدى Almaty-akshamy.kz

قازگيدرومەت قازاقستان ايماقتارىندا 18 شىلدەدە بولاتىن ءقاۋىپتى مەتەورولوگيالىق قۇبىلىستارعا بولجاۋ كونسۋلتاسياسىن جاريالادى.

اتموسفەرالىق فرونتالدى بولىمدەردىڭ وتۋىمەن ق ر باسىم بولىگىندە تۇراقسىز اۋا رايى ساقتالادى، جاڭبىر جاۋادى، ەلدىڭ سولتۇستىك-باتىسىندا قاتتى جاڭبىر بولادى، نايزاعاي، بۇرشاق، داۋىل كۇتىلەدى.

تەك رەسپۋبليكانىڭ شىعىسىندا كۇن رايى جاۋىن-شاشىنسىز بولادى. رەسپۋبليكا بويىنشا جەل كۇشەيەدى، تۇندە ەلىمىزدىڭ سولتۇستىگىندە شاڭدى داۋىل، سولتۇستىك-باتىسىندا تۇندە جانە تاڭەرتەڭ تۇمان كۇتىلەدى.

كۇندىز اقمولا، جامبىل، الماتى، جەتىسۋ، تۇركىستان، قاراعاندى، جامبىل وبلىستارىندا، ۇلىتاۋ، اباي شىعىس قازاقستان وبلىستارىنىڭ وڭتۇستىگىندە 35-41°س قاتتى ىستىق ساقاتالادى، الماتى وبلىسىنىڭ ورتالىعىندا، جەتىسۋ وبلىسىنىڭ سولتۇستىگىندە، وڭتۇستىگىندە، ورتالىعىندا وتە قاتتى ىستىق (42°س) كۇتىلەدى.

تۇركىستان، جامبىل، الماتى، شىعىس قازاقستان، پاۆلودار، قاراعاندى، اقمولا، ، ۇلىتاۋ، اباي، جەتىسۋ وبلىستارىندا، ماڭعىستاۋ وبلىسىنىڭ سولتۇستىك-باتىسىندا، ورتالىعىندا، وڭتۇستىگىندە، قوستاناي وبلىسىنىڭ وڭتۇستىگىندە، اتىراۋ وبلىسىنىڭ باتىسىندا، شىعىسىندا، قىزىلوردا وبلىسىنىڭ ورتالىعىندا توتەنشە ءورت ءقاۋپى ساقتالادى.