ستانسا اتاۋىن وزگەرتۋدى قولدايمىن.
ق ر ۇلتتىق قاۋىپسىزدىك كوميتەتىنىڭ بۇرىنعى ءتوراعاسى ءسات بەسىمباي ۇلى قالا اكىمىنىڭ شاھارداعى ەكى ستانسانىڭ اتاۋىن وزگەرتۋى تۋرالى ۇسىنىسىن قولدايدى، دەپ حابارلايدى Almaty-akshamy.kz.
«قالا باسشىسىنىڭ ۇسىنىسىن ەكى قولىمدى كوتەرىپ تۇرىپ قولدايمىن. ءبىرى «دوستىق» ستانساسىنا باۋىرجان مومىش ۇلىنىڭ ەسىمىن بەرۋ. باۋىرجان قازاقتىڭ ماڭدايىنا بۇيىرعان ەرجۇرەك باتىرى. باتىر باۋىرجاننىڭ ەسىمىن قازاق حالقى ەرەكشە قادىرلەيدى. ەلىمىزدە بۇگىنگى كۇنى باتىر ەسىمىن ۇلىقتاۋ ماقساتىندا اۋقىمدى ىستەر اتقارىلۋدا. سولاردىڭ ءبىرى ستانساعا باتىر ەسىمىن بەرۋ بولار ەدى. وسكەلەڭ ۇرپاق تاريحي تۇلعالاردى تانىپ ءبىلۋ ءۇشىن ولاردىڭ ەسىمىن ۇلىقتاۋ ماڭگى پارىز بولىپ قالادى»، - دەدى س. بەسىمباي ۇلى.
ونىڭ ايتۋىنشا، باۋىرجاننىڭ قايتالانباس مىنەزى مەن تۇلعاسى ناعىز ەلىكتەۋگە تۇرارلىق فەنومەن. ونداي مىنەزدى قازاق ءالى تۋعان جوق.
«ءبىزدىڭ قازاققا وسى باۋىرجان مىنەزدى ادامدار وتە كەرەك-اق. ستانسانىڭ اتاۋىنان كەيىن ول جايلى بىلمەيتىن ادامدار ويلانۋى مۇمكىن. سوندىقتان مەتروعا ۇلى تۇلعانىڭ اتىن بەرۋ ويلانباي قابىلدانۋى كەرەك شەشىم دەر ەدىم»، - دەيدى ۇلتتىق قاۋىپسىزدىك كوميتەتىنىڭ بۇرىنعى ءتوراعاسى.