مومىش ۇلىنىڭ ەرلىگى مەن سوعىس جاۋىنگەرلەرى جايلى اقپارات بەرىلسە دەيمىن.
«گەنەرالدار كەڭەسى» قوعامدىق بىرلەستىگىنىڭ ءتوراعاسى ماحمۇد تەلەگۇسوۆ باۋىرجان مومىش ۇلىنىڭ قۇرمەتىنە «دوستىق» مەترو ستانسياسىنىڭ اتاۋىن وزگەرتۋ وتە ماڭىزدى قادام ەكەنىن ايتتى، دەپ حابارلايدى Almaty-akshamy.kz.
ول باۋىرجان مومىش ۇلىنىڭ ەسىمى تەك قازاقستان ءۇشىن عانا ەمەس، بۇكىل الەم ءۇشىن ماڭىزدى ەكەندىگىن ايتادى.
«باۋىرجان مومىش ۇلى ۇلى وتان سوعىسى كەزىندە ماسكەۋ قورعانىسىنا قاتىسقان ەل قاھارمانى. مومىش ۇلى وزىنە ءتان ايلا-تاسىلمەن نەمىستىڭ قانشاما مىڭ اسكەرىن تالقانداعان ادام. ول سوعىس كەزىندە جاڭا تەحنيكانى ۇتىمدى پايدالاندى. قارسى شابۋىلداپ كەلە جاتقان جاۋ اسكەرىن الدىنان توسىپ الماي، ءوز اسكەرىن ەكى جاققا ءبولىپ، جاۋ اسكەرى جاقىنداعاندا الدىمەن وڭ جاقتان شابۋىل بەرگەن. كەيىن جاۋ اسكەرى باعىتتى وڭ جاققا بۇرعان ۋاقىتتا، سول جاقتان شابۋىلداعان ەكەن. ونىڭ بىرەگەي ۇرىس تاكتيكاسى بۇگىن الەمدە قىزۋ زەرتتەلۋدە، - دەيدى م. تەلەگۇسوۆ.
ونىڭ ويىنشا، وقۋشىلار مەن ستۋدەنتتەر ءبىزدىڭ تاريحىمىزدى ءبىلۋى كەرەك، مەترو ستانسيالارى كىمنىڭ ەسىمىمەن اتالاتىنىنا قىزىعۋشىلىق تانىتۋى ءتيىس.
«ستانسيا اتاۋىنىڭ ارتىندا باۋىرجان مومىش ۇلىنىڭ ەرلىگىنەن، ۇلى وتان سوعىسىنا اتتانعان قازاقتاردىڭ تاريحىنان ۇزىندىلەر بەرىلسە نۇر ۇستىنە نۇر بولار ەدى. قازاق جەرىنىڭ باتىرلارى كوپ قوي. ونى ۇرپاق ۇمىتپاۋى كەرەك»، - دەپ اتادى بىرلەستىك ءتوراعاسى.