بۇل يگى ءىس بۇگىنگى كۇنى وتە كەرەك دەپ ويلايمىن.
الماتى قالاسى قوعامدىق كەڭەسىنىڭ مۇشەسى، حالىقارالىق «قابانباي» قورىنىڭ ءتوراعاسى قۇسمان كارىم ۇلى مەترو بەكەتتەرىنىڭ اتاۋىن وزگەرتۋ تۇلعالار ەسىمىن ناسيحاتتاۋعا زور ۇلەس قوساتىنىنا سەنىمدى، دەپ حابارلايدى Almaty-akshamy.kz.
قالالىق قوعامدىق كەڭەسىنىڭ مۇشەسى الماتى مەتروپوليتەنىندە سالىنىپ جاتقان ەكى ستانسانىڭ اتاۋىن وزگەرتۋگە قاتىستى ۇسىنىلعان ەكى تۇلعا دا ءوز زامانىنداعى اۋىز تولتىرىپ ايتاتىنداي بۇگىنگى ۇرپاققا باتىرلىقتىڭ ناقتى ۇلگىسىن كورسەتىپ كەتكەنىن العا تارتتى.
«باتىر ەسىمدەرىن ناسيحاتتاۋ بىزگە ماڭگى امانات بولىپ قالادى. قالا اكىمىنىڭ وسىنداي يگى ءىس جاساعانىن، ۇسىنىسىن قولدايمىن. سەبەبى، ءبىز ءقازىر بۇگىنگى جاستاردى رۋحتاندىرىپ، ۇلتتىق سەزىمدەرىن وياتۋىمىز كەرەك»، - دەيدى ق. كارىم ۇلى.
ونىڭ ايتۋىنشا بۇل باستاما ەلباسىنىڭ «ۇلى دالانىڭ جەتى قىرى» اتتى ماقالاسىنداعى «ۇلىلاردى ۇلىقتاۋ» دەگەن ءبولىمى ۇدەسىنەن شىعادى.
«بۇل يگى ءىس بۇگىنگى كۇنى وتە كەرەك دەپ ويلايمىن. بىزدە ەسىمى ءالى كۇنگە بەلگىسىز تالاي باتىرلار بار. قابانباي بابامىزدىڭ كەلەر جىلى 330 جىلدىعى. باۋىرجان باتىرمەن بىرگە ۇزەڭگىلەس بولعان قانشاما باتىر ۇل قىزدارىمىز بار. باسقا دا باتىرلاردىڭ ەسىمىن بەرۋ داستۇرگە اينالۋ كەرەك دەپ ويلايمىن»، - دەدى ول.
ءاربىر باتىردىڭ ەسىمى ەل ەسىندە، ەل اۋزىندا ءجۇرۋ كەرەك. قازاقتا بەيمالىم باتىرلاردىڭ ەسىمىن جيناقتاپ، ولارعا ارناپ ءمۇسىن قويىلۋ كەرەك. سوندىقتان وسىنداي يگى ىستەر جالعاسىن تاپسا دەگەن پىكىرىن دە ورتاعا سالدى.