ەركەجانعا ايۋاندىق جاساعان كۇدىكتى 1975 جىلى تۋعان گاينوزاروۆ سايدوليم.
13 شىلدەدە سارىاعاش اۋداندىق پوليسيا بولىمىنە جەرگىلىكتى تۇرعىن قىزىنىڭ جوعالىپ كەتكەنى تۋرالى ارىز جازعان، دەپ حابارلايدى Almaty-akshamy.kz
جىبەك جولى اۋىلىندا جوعالىپ كەتكەن ءبۇلدىرشىننىڭ دەنەسى اۋىل تۇرعىندارىنىڭ ءبىرىنىڭ ۇيىنەن تابىلعان.
"جەدەل-ىزدەستىرۋ ءىس-شارالارى بارىسىندا پوليسيا قىزمەتكەرلەرى اۋىل تۇرعىندارىنىڭ ءبىرىنىڭ ۇيىنەن قىزدىڭ جاراقاتتانعان دەنەسىن تاپتى"، - دەلىنگەن سارىاعاش اۋداندىق پوليسيا ءبولىمى تاراتقان حابارلامادا.
دەپارتامەنت ءمالىم ەتكەندەي، بۇل فاكت قىلمىستىق كودەكستىڭ 99-بابى (ادام ءولتىرۋ) بويىنشا تىركەلدى. ساراپتاما تاعايىندالدى. سوتقا دەيىنگى تەرگەۋ جۇرگىزىلىپ جاتىر.
كۇدىكتى سارىاعاش اۋداندىق پوليسيا بولىمىنە جەتكىزىلىپ، قاماۋعا الىندى. بارلىق جاعدايلار انىقتالۋدا.
وقيعا ورنىنا پوليسيا ءبولىمىنىڭ باسشىلىعى، اۋداندىق پروكۋروردىڭ ورىنباسارى جانە جەدەل-تەرگەۋ توبى بارعان.
تەرگەۋ بارىسى تۇركىستان وبلىسى پوليسيا دەپارتامەنتى باسشىلىعىنىڭ باقىلاۋىنا الىندى.
الەۋمەتتىك جەلىدە ءقازىر كۇدىكتىنىڭ وزگە ۇلت وكىلى ەكەنى باسا ايتىلۋدا. قىلمىس ۇلتقا بولىنبەيدى. قوعام قىلمىسكەردىڭ لايىقتى جازاسىن الۋىن كۇتەدى.