«اقبۇلاق» كەمپينگ ايماعى تاۋ دەمالىسىن، ترەكينگتى، حايكينگتى جانە شاتىر تىگىپ، ۇزاق ۋاقىت سەرۋەندەۋدى ۇناتاتىندارعا ارنالعان جابدىقتالعان جازعى لاگەر.تۋريستەردى قىزىقتىرار جاڭا نۇكتە مەگاپوليسكە جاقىن جەردە «مەدەۋ» جولىندا كوركى كوز تارتار «كوكجايلاۋ»، «ءۇش اعايىندى»، «قۇمبەل» جانە ت.ب. تانىمال تاۋ باعىتى بار اقبۇلاق («پروسۆەششەنەس») شاتقالىنا ورنالاسقان، دەپ حابارلايدى almaty-akshamy.kz
كەمپينگ ايماقتا جايلى ءارى ءقاۋىپسىز دەمالۋعا بارلىق جاعداي جاسالعان، 5 شاتىر، جايلى سامالجايلار، ورىندىعى بار ۇستەلدەر، ۇلتتىق ناقىشتاعى «التىباقان» اتكەنشەكتەرى بار.
«اقبۇلاق» - سوڭعى جىلدارى الماتى قالاسى تۋريزم باسقارماسى اشقان جەتىنشى كەمپينگ ايماق. جىل سوڭىنا دەيىن تاعى ەكەۋىن اشۋ جوسپارلانعان.
«اقبۇلاق» كەمپينگ ايماعىنىڭ مەكەنجايى: الماتى قالاسى، كەرەي جانە جانىبەك حان كوشەسى، «اقبۇلاق» ايالداماسى https://go.2gis.com/qo14p1
الماتى قالاسىنىڭ تۋريزم باسقارماسى دەمالۋشىلاردان تابيعاتتى ايالاۋدى، تاۋعا قوقىس تاستاماۋعا شاقىرادى ءارى تاۋعا شىعۋ كەزىندە قاۋىپسىزدىك ەرەجەءسىن ساقتاۋدى ەسكە سالادى:
- تاۋعا بارا جاتقاندا، جاقىندارىڭىزعا باعىتىڭىز تۋرالى حابارلاۋ قاجەت.
- اۋا-رايىنا ساي كيىنىپ، كۇن ساۋلەسىنەن قورعانىڭىز. قاجەتتى جابدىقتى، باس كيىمدى، سۋدى، ءپورتاتيۆتى قۋاتتاعىش پەن قۋاتتالعان تەلەفون الىپ شىعىڭىز.
- تاۋ سوقپاعىنان باسقا جاققا شىقپاڭىز.
- قۇتقارۋ قىزمەتىنىڭ SMS ەسكەرتۋلەرىنە ءمان بەرىڭىز.
-
