جەتىسۋدىڭ سارقان اۋدانىندا سالىنعان جەل ەلەكتر ستانسياسى — نەگىزىنەن جەكە قاراجات ەسەبىنەن جۇزەگە اسقان وڭىردەگى ەڭ ءىرى جوبا. جالپى قوندىرعىلاردى ورناتۋ، قۇرىلىس جۇمىستارىن جاساۋعا 19،4 ملرد.تەڭگە قاراجات جۇمسالعان.
جەتىسۋ وبلىسىنىڭ سارقان اۋدانىندا قۋاتتىلىعى 50 مۆت بولاتىن جەل ەلەكتر ستانسياسى ىسكە قوسىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كەزەڭ-كەزەڭىمەن جوسپارلانعان ەلەكتر ستانسيا قۇرىلىسى 2019 جىلى باستالىپ، جەلدى ايماققا ەڭ الدىمەن 6 قوندىرعى ورناتىلىپ، 2022 جىلدىڭ قاراشا ايىندا تولىعىمەن اياقتالىپ، ءوز جۇمىسىن باستادى.
بيىكتىگى 100 مەتر، اينالعىش قاناتتارى 70 مەتر بولاتىن مۇنارانىڭ سانى 16. ولاردىڭ بىرەۋىنىڭ ءوزى 3،2 مۆت وڭدەۋگە قاۋقارلى.
«مۇنداي ەلەكتر قۋاتىن وڭدەيتىن ستانسا قاپشاعاي قالاسىندا بولسا، ەندى اۋدانىمىزدىڭ لەپسى ايماعىندا بار. ءبىراق قۋاتتىلىعى جاعىنان باسىم تۇسپەك. ياعني جىلىنا 50 مۆت توك كوزىن وڭدەمەك»، - دەدى سارقان اۋدانىنىڭ اكىمى عالىمجان قانات ۇلى.
لەپسى اۋىلىنان 80 كم قاشىقتىقتا ورنالاسقان ستانسيا - كەڭ جازىقتا ورنالاسقان جەلدى ايماق. جەلدىڭ وتىندە ورنالاسقان جازىق مەكەن بولعاندىقتان، مۇنداي جارىق قۋاتىن وڭدەيتىن مۇنارالار جىل بويى جارىق قۋاتىن وڭدەي الماق.
وسىنداي ءىرى ءارى ءتيىمدى جوبالاردىڭ ارقاسىندا اۋدانعا ينۆەستيسيا تارتىلىپ، جاڭا جۇمىس ورىندارى اشىلىپ ءوڭىرىمىزدىڭ ودان ءارى دامۋىنا ءوز سەپتىگىن تيگىزەدى دەگەن ءسوز.
سونىمەن قاتار، سارقان اۋدانى ەلەكتر قۋاتىن وندىرۋدە باسقا اۋدانداردان قاراعاندا باسىم ءتۇسىپ كەلە جاتقاندىعى بارشاعا ايان. وڭىردە 5 سۋ ەلەكتر ستانسياسىن سالۋ جوسپارلانعان بولسا، قازىرگى تاڭدا ونىڭ ۇشەۋى ۇزدىكسىز جۇمىس جاساپ تۇر. قالعان ەكى ەلەكتر ستانسيالارىنىڭ قۇرىلىس جۇمىستارى جالعاسىپ جاتىر.
ايتا كەتۋ كەرەك، وتكەن جىلدىڭ قاراشا ايىنان بەرى جەل ەلەكتر ستانسيالارى 23،767 مىڭ بولاتىن كۆت ساعات وڭدەگەن.