الماتىدا اكىمدىكتىڭ اتىنان حابارلاساتىن الاياقتار بار

باسقارما ماماندارى ازاماتتاردى ەرەكشە جاعدايلاردا عانا شاقىرادى.

بەلگىسىز تۇلعالار الماتى قالاسى اكىمدىگى نەمەسە تۇرعىن ءۇي باسقارماسى قىزمەتكەرلەرىنىڭ اتىنان قوڭىراۋ شالعان جاعدايدا قۇقىق قورعاۋ ورگاندارىنا جۇگىنۋ كەرەك، دەپ حابارلايدى Almaty-akshamy.kz

وزدەرىن الماتى قالاسى اكىمدىگىنىڭ نەمەسە تۇرعىن ءۇي باسقارماسىنىڭ قىزمەتكەرى رەتىندە تانىستىرىپ، ەكىنشى دەڭگەيدەگى بانكتەر مەن ميكروكرەديتتىك قارجى ۇيىمدارى الدىنداعى مىندەتتەمەلەر بويىنشا، مەرزىمى وتكەن نەسيەلەر مەن قارىزدار بويىنشا بەرەشەكتەردى مەرزىمىنەن بۇرىن وتەگەننەن كەيىن مەملەكەتتىك تۇرعىن ءۇي قورىنان پاتەر بەرۋ ماسەلەسى بويىنشا ۇسىناتىن بەلگىسىز تۇلعالار مەن الاياقتار تاراپىنان ازاماتتارعا تەلەفون قوڭىراۋلارىنىڭ جيىلەۋىنە بايلانىستى مىناداي اقپاراتتى نازارعا الۋدى سۇرايمىز:

ەگەر ءسىز الماتى قالاسى اكىمدىگىنىڭ تۇرعىن ۇيگە مۇقتاجدار ەسەبىندە تۇرساڭىز، وندا الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسى (بۇدان ءارى - باسقارما)، ق ر «تۇرعىن ءۇي قاتىناستارى تۋرالى» زاڭىنىڭ 74-بابىنا سايكەس، كەزەكتە تۇرعاندارعا جالعا بەرىلەتىن تۇرعىن ءۇي تەك كەزەك تارتىبىمەن بەرىلەدى. بۇل رەتتە، نەسيەلىك اقپاراتى جانە ەكىنشى دەڭگەيدەگى بانكتەر مەن ميكروكرەديتتىك قارجى ۇيىمدارى الدىنداعى نەسيەلەر مەن قارىزدارى بويىنشا بەرەشەكتەر مەملەكەتتىك تۇرعىن ءۇي قورىنان ءۇي الۋعا اسەر ەتپەيدى.

الماتى قالاسى اكىمدىگىندە كەزەكتە تۇرعان ازاماتتار ءوز كەزەكتەرىن www.kezekte.kz سايتىندا («جسن بويىنشا كەزەكتەگى ءنومىردى تەكسەرۋ» سىلتەمەسى ارقىلى) نەمەسە باسقارمانىڭ 225-14-37، 225-14-52، 225-14-57 تەلەفوندارىنا قوڭىراۋ شالۋ ارقىلى باقىلاي الادى.

الماتى قالاسى اكىمدىگىنىڭ نەمەسە تۇرعىن ءۇي باسقارماسىنىڭ قىزمەتكەرلەرى اتىنان بەلگىسىز تۇلعالار مەن الاياقتاردان قوڭىراۋ تۇسكەن جاعدايدا، قۇقىق قورعاۋ ورگاندارىنا قوڭىراۋ شالعان تەلەفون ءنومىرىن، قوڭىراۋ شالۋشىنىڭ ءاتى-جونىن جازىپ الىپ، وتىنىشپەن جۇگىنۋىڭىزدى سۇرايمىز.

باسقارما ماماندارى ازاماتتاردى ەرەكشە جاعدايلاردا عانا جانە قاجەتتى قۇجاتتاردى ۇسىنۋ، پاتەرگە جالداۋ شارتى مەن ساتىپ الۋ-ساتۋ شارتتارىنا قول قويۋ ءۇشىن الماتى قالاسى، دوستىق داڭعىلى، 85 (الەۋمەتتىك قىزمەتتەر ءۇيى، 1 قابات، وپەر زالى) مەكەنجايىندا ورنالاسقان باسقارماعا شاقىرادى.