باعدارلاماعا 30-دان استام ابونەنت قوسىلدى
بۇل جوبا ءبىرىنشى رەت ەلوردانىڭ دەسانتتىق-شابۋىلداۋ قۇراماسىندا ىسكە قوسىلدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
قورعانىس ءمينيسترى گەنەرال-پولكوۆنيك رۋسلان جاقسىلىقوۆتىڭ تاپسىرماسىمەن اسكەري بورىشىن وتەپ جۇرگەن ساربازدار اتا-انالارىن كورىپ، تىلدەسۋى ءۇشىن «وتباسىمەن بەينەوڭىراۋ» قىزمەتى ۇيىمداستىرىلدى. دەسانتتىق-شابۋىلداۋ قۇراماسىندا وتكەن پيلوتتىق تەلەكوپىر قارۋلى كۇشتەردىڭ بارلىق اسكەري بولىمدەرىندە وتكىزۋ ورىندى ەكەنىن كورسەتتى.
ءبىرىنشى بەينە بايلانىسقا اسكەري ءبولىمنىڭ باسشىلىعى، مەرزىمدى قىزمەتتەگى جاۋىنگەرلەر جانە ولاردىڭ اتا-انالارى قاتىستى. باعدارلاماعا 30-دان استام ابونەنت قوسىلدى.
«وتباسىمەن بەينەۋقوڭىراۋ» تەلەكوپىرى كەزىندە ساربازدار وزدەرىنىڭ جاقىندارىن كورىپ، اسكەري قىزمەتتەن العان اسەرلەرىن جانە مەڭگەرگەن جەتىستىكتەرىن ايتىپ جاتتى.
ءبولىم باسشىلىعى ۇسىنعان اقپارات تا ەرەكشە قىزىعۋشىلىق تۋدىردى. بريگادا كومانديرى پولكوۆنيك نۇرلان كارىبايەۆ دەسانتشىلار قىزمەتىنىڭ ەرەكشەلىكتەرىن ءسوز ەتسە، ءبولىم كومانديرىنىڭ تاربيە جانە يدەولوگيالىق جۇمىستار جونىندەگى ورىنباسارى پودپولكوۆنيك تالعات قۇلمانوۆ دەمالىستى ۇيىمداستىرۋ جانە الەۋمەتتىك قامسىزداندىرۋ جونىندە ايتىپ ءوتتى. ودان وزگە بريگادا باسشىلىعى مەرزىمدى قىزمەتتەگى اسكەري قىزمەتشىلەردى، ونىڭ ىشىندە دالا جاعدايىندا تاماقتاندىرۋ ماسەلەلەرىن، سونداي-اق جاۋىنگەرلەردىڭ دەنساۋلىعىن قورعاۋ توڭىرەگىندە وتكىزىلەتىن مىندەتتى ءىس-شارالاردى تالقىلادى.
بۇگىننەن باستاپ قارۋلى كۇشتەردىڭ بارلىق اسكەري بولىمدەرىندە «وتباسىمەن بەينەقوڭىراۋ» تۇراقتى تۇردە ىسكە قوسىلاتىن بولادى.